Վարչապետ Նիկոլ Փաշինյանն այսօր Երեւանի «Լոֆթ» ինքնազարգացման կենտրոնում մասնակցել է իր հեղինակած՝ «Երկրի հակառակ կողմը» գրքի քննարկմանը: Քննարկումը նախաձեռնել էին «Անտարես» հրատարակչությունը եւ «Լոֆթ» ինքնազարգացման կենտրոնը: Փաշինյանն անդրադարձել է գրքի ստեղծման պատմությանն ու շարժառիթներին։ Իր խոսքում վարչապետը խոսեց ընդհատակում եղած տարիներից՝ նշելով, որ հիմա էլ կարծես ընդհատակում լինի․
«Հենց սկզբից, ինչ նկարագրված է գրքում, նորից կրկնվում է, սկսած՝ մեկնարկ հանպատրաստից: Այսինքն, այն ժամանակ ես հանպատրաստից դարձա փախստական, հիմա հանպատրաստից դարձա վարչապետ: «Ներիր ինձ որդիս» հատվածը, երբ կրկին այդ տրամաբանությունը վարչապետ դառնալուց հետո աշխատեց: Ընդհատակը. հիմա ես ընդհատակո՞ւմ եմ, թե՞ ընդհատակում չեմ: Հիմա, ըստ էության, ես ընդհատակում եմ, որովհետեւ ապրում եմ մի...
