Այսօր խորհրդարանում լրագրողների հետ ճեպազրույցում քաղաքապետ Հայկ Մարությանն անդրադարձավ «Սանիթեք» ընկերության շուրջ ստեղծված իրավիճակին։
«Իմ պաշտոնավարման հենց առաջին իսկ օրվանից «Սանիթեք» ընկերության հետ փորձել եմ գալ մի այնպիսի իրավիճակի, որպեսզի իրենց կարողանան պատշաճ որակով կատարել իրենց ծառայությունը: Եթե չասեմ դրանք ամենօրյա, ապա շաբաթական մեկ անգամ մեծ հանդիպումների շարան էին, որին անձամբ ես էի մասնակցում՝ հասկանալու, թե ինչ խնդիրեն ունենք այստեղ և ինչով կարող ենք աջակցել «Սանիթեքին»», – ասաց Մարությանը:
Նա ընդգծեց՝ քաղաքապետարանն ամեն ինչ արել է, մինչդեռ «Սանիթեքը» կարողություն չունի սպասարկել Երևանը:
Դիտարկմանը՝ ընկերությունը չի՞ ցանկանում աշխատել, թե՞ չի կարողանում, Մարությանը նշեց.
«Չեմ կարծում, որ չեն ցանկանում: Ըստ իս՝ չեն կարողանում մեքենաների և աշխատուժի տեսանկյունից»:
Վերջինս նկատեց, որ ընկերությունը հավատացնում է, թե օրական 15-18 մեքենա է հանում աղբը հավաքելու համար, մինչդեռ դրանց մեծ մասը ճանապարհին խափանվում են և հետ վերադառնում։
Մարությանը նաև նկատեց, որ ըստ պայմանգրի՝ մայրաքաղաքում 8000 աղբաման պետք էլինի, մինչդեռ առկա է 5000-ը: Ընկերությունը, քաղաքապետի խոսքով, պարտավորվել է տարվա ...