Կողբավանի նոր ուրախությունը. երեխաները դպրոց՝ հարևան գյուղ են գնում նոր մեքենայով

Արմավիրի մարզի Կողբավան գյուղի երեխաները իրենց գյուղում դպրոց չլինելու պատճառով հաճախում են հարևան Վանանդի դպրոցը։ Միայն վերջերս է ամեն օր 8-11 երեխայի դպրոց տեղափոխող անսարք ու կիսաքանդ մեքենային փոխարինելու եկել նոր մարդատար մեքենա։

Վարորդը՝ Հովհաննեսը պապը, վստահ է՝ բարեխիղճ շահագործելու դեպքում մեքենան կարող է տասնյակ տարիներ ծառայել գյուղին։

Գյուղի երեխաների համար մի սարքին մեքենա ձեռք բերելու ճանապարհը կողբավանցիների համար երկար էր ու դժվարին։ Եվ ինչպես Հովհաննեսը պապն է ասում, մինչև մի օր չկանգնեց ու չասաց՝ չի քշում ու վերջ, սայլը տեղից չշարժվեց։ «Ես երդվեցի, որ էն իմ հին ավտոյով էրեխա չտանեմ, որովհետև վերջն էր էլի արդեն, էդ մեքենան էլ էրեխա տանելու մեքենա չէր», - «Ազատությանը» պատմեց նա:

Մեքենայի խնդիրը լուծելուց հետո գյուղացիների մոտ հույս է առաջացել, որ գյուղը վերջապես ջուր էլ կունենա։ Ոչ ոռոգման ջուր ունեն, ոչ խմելու, ոչ էլ կենցաղային օգտագործման։ Երեք երեխաների մայր 32-ամյա Աստղիկը տան բոլոր հոգսերը հոգում է՝ ջուրը ամեն անգամ բերելով հարևան գյուղերից։

Երիտասարդ ընտանիքի հայրն անասնապահ է աշխատում։ Ստացած աշխատավարձով կարողանում են հոգալ ընտանիքի նվազա...