Որքան կիրթ լինենք, թշնամին այնքան շուտ կնահանջի. Yerkir.am-ի հետ զրույցում կարծիք հայտնեց դերասան Միքայել Պողոսյանը:
Նշենք, որ նոյեմբերի 24-26-ը կանցկացվի Գրքի երևանյան փառատոնը, որի ընթացքում նախատեսված են գրքի շնորհանդեսներ, վարպետության դասեր, իսկ փառատոնի փակման օրը ժյուրիի և ընթերցողների քվեարկությամբ կորոշվի, թե որ գրքեր են պետպատվերով հրատարակվելու:
Ըստ Միքայել Պողոսյանի՝ ամեն հնարավոր միջոցներով պետք է գրքի դերը բարձրացնենք հասարակության մեջ: «Կարծում եմ՝ այսօր այս բարդ հոգեբանական, ֆիզիկական, տնտեսական վիճակներում ընթերցանությունը, կրթությունը շատ կարևոր է, որովհետև միակ ձևն է հասկանալու՝ ի՞նչ միջոցներ կան այդ ամենից խուսափելու: Մեր զինվորն այսօր պետք է կիրթ լինի. 21-րդ դարում բոլոր դժվարությունները հաղթահարվում են միայն մտքի և գիտելիքների շնորհիվ: Այնպես որ՝ կարծում եմ ընթե...