Հնդկաստանի և Չինաստանի սահմանապահ ուժերի զինվորների միջև բախումներ են տեղի ունեցել․ 2 կողմից էլ կան վիրավորներ. լրատվամիջոցներ

Հնդկաստանի Սիկիմ նահանգի Նակու Լա լեռնանցքի շրջանում Հնդկաստանի և Չինաստանի սահմանապահ ուժերի զինվորների միջև բախումներ են տեղի ունեցել: Այս մասին հայտնում է Tert.am-ը՝ հղում անելով Latestly լրատվական պորտալին։՝

Ըստ հաղորդման՝ Չինաստանի Ժողովրդական-ազատագրական բանակի զինվորականները փորձել են ներխուժել հնդկական տարածք, հնդիկ զինծառայողները նրանց կանգնեցրել են։ Բախումների հետևանքով վիրավորվել է 20 չինացի և 4 հնդիկ զինվոր։
Պարբերականի տվյալներով՝ այժմ իրավիճակը վերահսկողության տակ է։ Այլ մանրամասներ դեռևս չեն հաղորդվում։

Հնդկաստանի և Չինաստանի սահմանապահ ուժերի զինվորների միջև բախումների մասին լուրն ի հայտ է եկել Times Of India թերթի հրապարակումից ժամեր անց, որում նշվում էր, որ Հնդկաստանի և Չինաստանի ցամաքային ուժերի հրամանատարության ներկայացուցիչները բանակցություններ են վարել, որոնց ժամանակ քննարկել են սահմանամերձ շրջաններում իրավիճակը։ Ինչպես տեղեկացրել է թերթը, հանդիպմանը մասնակցել են Հնդկաստանի ցամաքային զորքերի 14-րդ կորպուսի հրամանատար գեներալ-լեյտեն...