Դեկտեմբերին կայանալիք Պոլսո Հայոց 85-րդ պատրիարքի ընտրությանն ընդառաջ պոլսահայ համայնքում կրքերը չեն հանդարտվում:
«Նոր Զարթոնք» շարժումը պատրիարքական ընտրությունները բոյկոտելու կոչ է արել, իսկ համայնքային մի շարք անդամներից կազմված Հանրային նախաձեռնությունը դիմել է դատարան՝ ընտրության գործընթացը կասեցնելու պահանջով:
Դժգոհության պատճառը խնդրահարույց կանոնադրությունն է, որի համաձայն պատրիարքի թեկնածու կարող են լինել միայն Պոլսո պատրիարքական աթոռին ենթակա եպիսկոպոսները:
Այս սահմանափակմամբ խոչընդոտվել է Թուրքիայից դուրս ծառայող մի շարք եպիսկոպոսների առաջադրվելու հնարավորությունը:
«Նոր Զարթոնքի» անդամներից Ջան Էրզրումլուօղլուի խոսքերով, այս կանոնադրությամբ ընտրության գնալն անարդար է․ - «Քանի որ այս ընտրությունը անարդար ընտրություն է, խլված է արտերկրի սրբազանների ընտրությանը մասնակցելու իրավունքը, սա ընդունելի չէ: Ընտրությունները պետք է արդար ձևով կատարվեն: Նաև խախտված է խղճի ազատությունը: Ուստի պետք է առարկվեր»:
Պոլսո Հայոց պատրիարքի տեղապահ, պատրիարքական թեկնածու Սահակ եպիսկոպոս Մաշալյանը թեև համաձայն է, որ պատրիարքի ընտրության ձևը արդար չէ, սակայն, ըստ նրա, առարկելը անհայտ ժամանակով կհետաձգեր ընտրության գործընթացը, ինչը անթույլատրելի է 12 տարի առանց պատրիարքի մնացած լինելու պարագայում․ - «Առարկելը կնշանակեր, որ ընտրությունը պիտի կանգ առնի, մենք պիտի սպասեինք վաթսուն օր մեր բողոքի պատասխանը ստանալուն: Եթե չգար պատասխանը, վաթսուն օր ևս պիտի սպասեինք: Հետո ստիպված էին դատարան տալ ընդդեմ պետության: Այս դատարանները, մենք փորձառություն ունենք, անցյալում դատի է տրվել է 2010-ին, պատասխանել է 2019-ին: Եվ պետության այս անգամ տրվածը իրավական առարկելու մեծ հիմք չունի, որովհետև դա հայոց սահմանադրության համաձայն է»:
Հանրային նախաձեռնությունը, սակայն, արդարության հասնելու իրավական ճանապարհն է ընտրել, քանի որ ընտրության գործընթացը դադարեց...