Շակիրան ու Ջենիֆեր Լոպեսն ամերիկյան ֆուտբոլի եզրափակչի՝ «Կանզաս Սիթի»-«Սան Ֆրանցիսկո» հանդիպման ընդմիջման ընթացքում երգելու համար չեն վարձատրվել: Սա այդ ելույթի վերաբերյալ հերթական նորությունն է, որը հայտնվել է միջազգային մամուլում: 14 րոպե տեւողությամբ շքեղ շոուն մոտ 1 շաբաթ է՝ քննարկումների տեղիք է տալիս, ու ինչպես հայտնի է դարձել, երգչուհիները հանդիսատեսին ներկայացել են բոլորովին անվճար:
Նրանց, սակայն, ոչ խաբել են, ոչ էլ վճարումն են ուշացնում: Պազապես ԱՄՆ Ֆուտբոլի ազգային ասոցիացիայի երկարամյա քաղաքականությունն է, որ Super Bowl-ի ընդմիջման ժամանակ ներկայացրած շոուի համար, որը 15 րոպեից կարճ է տեւում, աստղերին հոնորար չեն վճարում: Ելույթի հետ կապված մյուս բոլոր ծախսերը, որոնք կապված են լուսավորության, էֆեկտների, բեմի տեղադրման ու այլ հարցերի հետ, ասոցիացիան հոգում է:
Հոնորարի բացակայությունն աստղերին հետ չի պահում Super Bowl-ի ժամանակ երգելուց: Հակառակը, դա շատերի մեծ ցանկությունն է, քանի որ ֆուտբոլային այդ հանդիպումը 100մլն հեռուստադիտող ունի, եւ նման դիտելություն ունեցող ոչ մի այլ հարթակ աստղերի համար գոյություն չունի: Այսինքն՝ այստեղ նրանց վարձատրությունը դիտումներն են:
Ինչպես նկատում է միջազգային մամուլը, փորձը ցույց է տվել, որ Super Bowl-ի ընթացքում հանդես գալն իրոք նպաստում է հանրայնացմանը եւ ասղտերի եկամուտների աճին: 2...