Համայնքի 23 տարվա ղեկավարին հրաժարականի հասցրած մի խումբ բնակիչներ կրկին հավաքվել էին, հիմա էլ դպրոցի տնօրեն Հոռոմսիմ Սարգսյանի հրաժարականն են պահանջում․ նա նախկին գյուղապետի դուստրն է ու այժմ ձերբակալված Նարեկ Մելքոնյանի մայրը:
Շաբաթ առավոտյան Զարթոնքում դեռևս գործող համայնքապետի կողմնակիցների ու նրա հրաժարականը պահանջողների միջև միջադեպ էր գրանցվել, որի ժամանակ Նարեկ Մելքոնյանը կրակոցներ էր արձակել բողոքող համագյուղացիների ուղղությամբ: Այսօր ակցիայի դուրս եկածները պնդում էին, որ իրենց երեխաներին դպրոց չեն տանելու, քանի որ տնօրենը իր հոր դեմ պայքարած ընտանիքների երեխաներին սպառնում է, հայհոյում:
Դպրոցում ստուգումներ սկսելու պահանջով Քրիստինե Ղուկասյանն էր նամակ ուղարկել մարզպետարան: Նա ասում է, որ դրանից հետո են սկսվել ճնշումներն իր ու իր դպրոցահասակ երեխայի նկատմամբ․ - «Ասել են՝ մաքրվի ստեղից, ոտդ ստեղ չտենանք: Էրեխուն ոտերդ կջարդենք»:
Քրիստինեն պնդում է, թե դպրոցում բազմաթիվ չարաշահումներ են արվում. մինչև հեղափոխությունը դրամահավաքից աչք չեն բացել, հիմա էլ համայնքապետի ազգականները չեն հեռանում դպրոցից․ - «Գյուղապետի երկու աղջիկներն են, գյուղապետի թոռներն են, գյուղապետի խնամիներն են»:
Զարթոնքի դպրոցի տնօրենը հեռանալու նպատակ չունի: Այո, հեռացած գյուղապետի դուստրն է, բայց մի՞թե դա պատճառ է․ - «Ես չեմ պատրաստվում հրաժարական տալ: Ես պատրաստ սպասում եմ ստուգումների»:
Նա կտրականապես հերքեց, թե ճնշումներ են եղել իր հոր հրաժարականը պահանջող ցուցարարների երեխաների նկատմամբ:
Տնօրենի քույրը դպրոցում աշխարհագրություն է դասավանդում, Երևանից գնում-գալիս է։ Հոռոմսիմ Սարգսյանն ասաց, թե կապ չունի, որ իրենք գյուղապետի աղջիկներն են․ մրցույթ է եղել, այլ հավակնորդ չի ներկայացել, ի՞նչ կա:
Այսօր դպրոցի 240 աշակերտներից 87-ը բացակա էին, ուսուցիչները՝ հուզված:
«Հիմա բոլորս էլ մտահոգ վիճակում ենք: Չեմ ասում լարված, բայց մտահոգ վիճակում ենք», - ասաց ուսուցչուհիներից Սիրվարդ Սարգսյանը:
Առավոտյան դպրոցում էլ ակցիայի փորձ է եղել: Տնօրենն ասաց իր ձերբակալված որդուն ...