ATV-ի եթերում մեկնարկել է Ելենա Արշակյանի նոր նախագծի՝ «Մեր թաղի տղերքը» սերիալի ցուցադրությունը: Նրանք օրեր առաջ նկարահանումներ են իրականացրել Սանկտ Պետերբուրգում, ինչի մասին Bravo.am-ին պատմել է սցենարի հեղինակ Անահիտ Մխիթարյանը:«Մի առավոտ, երբ սովորականի պես Ելենայի հետ հեռախոսով զրուցում ու քննարկում էինք նոր նախագիծը, հասկացանք՝ կերպարներից մեկը շատ լավ կմարմնավորի Արսեն Լեւոնյանը: Րոպեներ անց պարզեցինք, որ նա Սանկտ Պետերբուրգում է, իսկ մի քանի ժամ հետո Ելենան զանգեց ու ասաց՝ գնում ենք Պիտեր:): Արսենի վերադառնալու եւ մեր եթերի ժամկետները չէին համընկնում, եւ հարցն այսպիսի լուծում ստացավ, վստահ եմ՝ ի շահ նախագծի: Մեզ հետ էր նաեւ դերասանուհի Անահիտ Մանուկյանը: Կասկած չունեմ, որ հեռուստադիտողը նրան սիրելու է»,-պատմել է նա:
Անահիտի խոսքով՝ կերպարներին միավորում է բակը, որտեղ անցկացրել են մանկությունը.«Ավելի երեւանյան ասած՝ թաղը: Կարծում եմ՝ բակային կյանքը, հարազատության հասնող հարեւանությունը, որը հիմա մի քիչ մոռացվել է, միշտ ավելի հատուկ է եղել արվարձանների բնակչությանը: Փոքրիկ թաղերում շատ ջերմ հարեւանություն են արել. տան դուռը միշտ բաց է եղել, երեխաները հաճախ ընկերների տանն են գիշերել, ճաշել, խաղացել: Մեր պատմությունը սկսվում է երեւանյան հենց այդպիսի թաղից, իսկ գլխավոր դերում թաղի տղերքն են»:
Սանկտ Պետերբուրգում երկու օր տեւած նկարահանումները լավ են անցել.«Պիտի վերադառնայ...