«Հարս չկա» սիթքոմի վերջին սերիան կցուցադրվի հունիսի 3-ին: Հումորային նախագծի պրոդյուսեր Արմեն Պետրոսյանը BRAVO.am-ի հետ զրույցում նշել է, որ կարծում է` մասամբ կարդարացվեն հեռուստադիտողի սպասելիքները: «Արտակարգ դրության հետեւանքով մեր նկարահանումներում էլ բավական փոփոխություններ եղան: Հանվեցին զանգվածային տեսարանները, ստիպված եղանք հրաժարվել մի շարք վայրերում նկարահանումներից: Բայց այդ ամենն արեցինք այնպես, որ չազդի ֆիլմի որակի վրա»,- ասել է Մենչն ու հավելել, որ սիթքոմը երկրորդ եթերաշրջան կունենա: Այժմ զբաղված են սցենարային աշխատանքներով:
Նա տեղեկացրել է, որ դերասանական հիմնական կազմը կմնա անփոփոխ, սակայն նրանց կմիանան նորերը: Այս պահին անուններ տալ չի կարող. քասթինգ են իրականացնելու:
Հնարավոր է՝ ինքն էլ նկարահանվի նոր եթերաշրջանում.«Եթե այդ ժամանակ Հայաստանում լինեմ, միգուցե նկարա...