Louis Vuitton նորաձեւության տունը հայտնել է տղամարդկանց հագուստի գծով ստեղծագործական նոր տնօրենի անունը: Եվ նա երգիչ Ֆարել Ուիլյամսն է: Բրենդի համար նրա առաջին հավաքածուն կներկայացվի հաջորդ հունիսին Փարիզում կայանալիք տղամարդկանց նորաձեւության շաբաթվա ընթացքում:Ստեղծագործական տնօրենի պաշտոնը թափուր էր 2021 թվականի նոյեմբերին Վիրջիլ Աբլոյի մահից հետո: Հավաքածուների համար պատասխանատու էր ապրանքանիշի դիզայնի թիմը:
Թեեւ Ուիլյամսն ավելի շատ հայտնի է որպես երգիչ, բայց նորաձեւության նկատմամբ էլ մեծ սեր ունի: Նա մինչ այդ էլ համագործակցել է Louis Vuitton-ի ու Adidas-ի հետ, ինչպես նաեւ ստեղծել հատուկ հավաքածու Chanel-ի համար, 2005 թվականից ունի հագուստի սեփական Billionaire Boys Club բրենդը, որը ստեղծել է ճապոնացի դիզայներ Նիգոյի հետ:
Ուիլյամսի հետ համագործակցել շատ էր սիրում Կարլ Լագերֆելդը. 2013-ին նա երգչին հրավիրել է նկարահանվել իր «Ռեինկարնացիա» մինի ֆիլմում, խաղընկերուհին դիզայների եւս մեկ մուսա Կարա Դելեւինն էր: 2017-ին երաժիշտն առաջին տղամարդն էր, որը դարձավ Chanel պայուսակի դեմքը: Աշխատել է նաեւ Marc Jacobs, Uniqlo ու G-Star RAW բրենդներ...