Ավտովթար Երևանում. 45-ամյա վարորդը Nissan-ով բախվել է ծառին. կա վիրավոր. մինչ «գաի»-ի ժամանումը, մեքենան դեպքի վայրից տարել էին. ՖՈՏՈՌԵՊՈՐՏԱԺ

Երեկ՝ մարտի 5-ին, խոշոր ավտովթար է տեղի ունեցել Երևանում։

Ժամը 20։45-ի սահմաններում Արարատի մարզի Այնթափ գյուղի բնակիչ՝ 45-ամյա Հայկազ Սահակյանը իր վարած Nissan մակնիշի ավտոմեքենայով Թամանցիների փողոցում՝ թիվ 81/3 հասցեի դիմաց, դուրս է եկել ճանապարհի երթևեկելի գոտուց, բախվել ծառին և հայտնվել մայթին։

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։

Մինչ դեպքի վայր կժամանեին Երևանի ճանապարհային ոստիկանության ծառայողները, ինչ-որ անձինք ավտոմեքենան հեռացրել էին վթարի վայրից։

Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Կարեն Հովհակիմյանը տեղեկությունը փոխանցել է Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որ...