Դեպի վեր

Ծառուկյանը Թովմասյանի հանցանքն ապացուցող փաստեր է պահանջում

azatutyun.am10/22/2019, 4:00

Ծառուկյանը Թովմասյանի հանցանքն ապացուցող փաստեր է պահանջում

Գագիկ Ծառուկյանը չի շտապում հայտարարել, թե Սահմանադրական դատարանի նախագահ Հրայր Թովմասյանի նկատամամբ քաղաքական հետապնդում է իրականացվում, բայց փաստեր է պահանջում, որ 2018-ի մարտին նրա ընտրությունը օրինական չի եղել:

Խորհրդարանի ամենամեծ ընդդիմադիր խմբակցության՝ «Բարգավաճ Հայաստանի» ղեկավարի խոսքով, մինչև հիմա ոչ մի հիմնավորում չի տեսել, միայն օդի մեջ, դադարկ-դատարկ խոսակցություններ է լսել:

Ազգային ժողովի պատգամավոր Արման Բաբաջանյանի դիմումի հիման վրա Հատուկ քննչական ծառայությունում պետական իշխանությունը յուրացնելու հոդվածով քրեական գործի հարուցումից հետո պարզվեց, որ ԱԱԾ-ն էլ ստուգում է Հրայր Թովմասյանի՝ Արդարադատության նախարար եղած տարիներին թույլ տված առերևույթ յուրացումների դեպքերը։ Այս վարույթի շրջանակներում անցած շաբաթավերջին ԱԱԾ էին հրավիրվել Թովմասյանի հայրն ու դուստրերը:

«Էսօր հիմնական խնդիրը Թովմասյանն ա, խնդիր չկա: Թող հանցակազմ ներկայացնեն, հանցակազմ լինի, որ նա ինչ-որ հանցանք է կատարել, մենք բոլորս միասին կողմ ենք՝ թող պատժեն: Բայց, ասենք, իմ համար, ես, որպես հայ մարդ, ընտանիքի մարդ, տեսնելով 16 տարեկան աղջկան կանչեն հարցաքննության, 18-ին, ինչ-որ չարաշահումներ․․․ դա իմ համար անընդունելի ա: Իրենց քայլերով անհարմար վիճակի մեջ են դնում վարչապետին, ուրեմն տվյալ մարդիկ չեն համապատասխանում իրենց պաշտոնին», - ասաց ԲՀԿ առաջնորդը:

Ծառուկյանը կրկնեց ՍԴ նախագահի մի խումբ աջակիցների այն թեզը, որ հեղափոխությունից հետո մի շարք պատգամավորներ նույն սկզբունքով են ընտրվել կամ նշանակվել այլ պաշտոնների, ինչպես Թովմասյանը․ - «Ոնց որ Նիկոլ Փաշինյանը դառավ, Միրզոյանը դառավ, մյուսը: Ես նույն շտապողականությունը տեսել եմ և այս հեղափոխությունից հետո այս կազմի մեջ: 5-6 դեպք կա, որ նույն սկզբունքով, նույն մոտեցմամբ ընտրվել են»:

Ընդդիմադիր մյուս խմբակցության՝ «Լուսավոր Հայաստանի» ղեկավար Էդմոն Մարուքյանը կարծում է, որ Թովմասյանին վերաբերող քրեական գործն ապագա չունի՝ «ոնց հարուցել են, այդպես էլ կարճելու են»:

Էդմոն Մարուքյան

Թովմասյանի Սահմանադրական դատարանի անդամ, ապա՝ նախագահ դառնալու գործընթացում քրեորեն հետապնդելի արարք Մարուքյանը չի տեսնում․ - «Կա քաղաքական պայմանավորվածություն, որը հիմա, այս պարագայում անհնար է քրեորոն հետապնդելի դարձնել: Որովհետև էդ պարագայում մեզ գիտե՞ք ինչ է պետք․ մեզ պետք է, որ, օրինակ, Գագիկ Հարությունյանը ցուցմունք տա և ասի, օրինակ՝ մի օր առավոտը 10-ն անց 24 ինձ հրավիրեց Սերժ Ազատի Սարգսյանը իր կաբինետ և ասեց՝ Գագիկ Գարուշիչ, գնա և վաղաժամ հրաժարական տուր: Եվ ես գնացի տվեցի այդ հրաժարականը, որից հետո նա պայմանավորվել էր, որ, օրինակ, Հրայր Թովմասյանը դառնար Սահմանադրական դատարանի անդամ: Եթե նման ցուցմունք դա Գագիկ Հարությունյանը, միգուցե: Իսկ եթե դուք կարծում եք, որ նման ցուցմունք կարող է լինել, դա, կարծում եմ, խելագարության կանխավարկածի շրջանակներում կարող ենք դիտարկել: Նա արդեն տվել է հարցազրույց և ասել է, որ ինքը Բարձրագույն դատական խորհրդի նախագահ է ընտրվել, որի հիմքով հրաժարական է տվել»:

Մարուքյանը անհասկանալի է որակում Հատուկ քննչական ծառայությունում Հրայր Թովմասյանին վերաբերող գործի շրջանակներում ԱԺ աշխատակազմի ղեկավարի նախկին տեղակալ Արսեն Բաբայանի ձերբակալությունը․ - «Երբ որ մարդուն հրավիրում են, նա ներկայանում է, այդ ժամանակ ձերբակալելը, կարծում եմ, այնքան էլ համաչափ չէ:...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD390396
EUR417429
RUR4.184.38
ավելին
Արդեն հասանելի է
Դեպի վեր