ԱԺ «Բարգավաճ Հայաստան» խմբակցության պատգամավոր Սերգեյ Բագրատյանի հետ զրուցել ենք կորոնավիրուսի տնտեսական հետևանքների, կառավարության՝ վնասների մեղմման ծրագրերի արդյունավետության մասին:
Պատգամավորը նկատում է՝ դրանք բիզնեսը ոտքի չեն հանի, բայց կառավարությունը պատասխանատու է յուրաքանչյուր քաղաքացու համար, ուստի գոյության ռեժիմի պահպանման համար իրավիճակային լուծումներն արդարացված է համարում: Սերգեյ Բագրատյանը նկատում է, որ առավել արդյունավետ, հեռանկարային ու կարևոր է հիմա գյուղատնտեսության ոլորտի ներդրումներն ու աջակցությունը գյուղոլորտին:
«Այս պահին շահեկան է գյուղոլորտը, որտեղ ռիսկերը նվազ են, գյուղերում էլ համաճարակի նվազման վտանգն է փոքր, որովհետև սոցիալական հեռավորությունն ու մաքուր օդը կան գյուղատնտեսական աշխատանքներում: Ժամանակն է՝ ցանքատարածություններն ավելացնենք, անասնագլխաքանակն ավելացնենք, վերամշակման փոքր ձեռնարկություններ ստեղծենք: Այդ ուղղությամբ հիմա քայլեր անելով՝ կարող ենք ապահովագրել մեզ հետագայում. սեպտեմբերից պարենային անվտանգության ապահովման կհասնենք», - ասում է պատգամ...