Կրիշտիանու Ռոնալդուն, Լիոնել Մեսսին, Ռոբերտ Լևանդովսկին և տասնյակ աշխարհահռչակ ատղեր մեծ գումարներ են հատկացնում նոր կորոնավիրուսի տարածումը զսպելու համար:
Ֆուտբոլի համաշխարհային կյանքը կարգավորող միջազգային կառույցը՝ ՖԻՖԱ-ն իր աջակցությունն է հայտնել Առողջապահության համաշխարհային կազմակերպությանը (ԱՀԿ): Մեսսին, ԱՄՆ ֆուտբոլի կանանց հավաքականի աստղ Քարլի Լոյդը և մի քանի տասնյակ կուռքեր ԱՀԿ-ի խնդրանքով տեսագրել են կարճ հոլովակներ, մարդկանց հորդորելով լվանալ ձեռքերը, պահպանել սոցիալական հեռավորության կանոնը:
ՖԻՖԱ-ն 10-ը միլիոն դոլար է փոխանցում ԱՀԿ-ին COVID-19 հիվանդության դեմ հետազոտությունների և անհրաժեշտ պարագաներ գնելու համար:
ՖԻՖԱ-ն հոլովակի վերնագրի համար կիրառել է սոսկ ֆուտբոլային եզրույթ. «Կորոնավիրուսին հաղթելու համար պաս տուր այս պատգամը»:
ՖԻՖԱ-ի նախագահ Ջաննի Ինֆանտինոն ասել է, որ այս արշավին են միացել ոչ միայն արդիական ֆուտբոլի գերաստղերը, այլև կազմակերպության բոլոր 211 անդամ պետությունների ազգային ֆեդերացիաները:
«Մենք պետք է այս պատգամը փոխանցենք բոլորին և հայտնենք, որ ֆուտբոլն էլ է ուզում օգնել: Ես ուզում եմ շնորհակալություն հայտնել ֆուտբոլիստներին և ԱՀԿ-ի ղեկավար Թեդրոս Ադհանոմ Գեբրեյեսուսին: Մենք պաս կտանք այս մեսիջը, մենք մի լավ աքացի կտանք այս վիրուսին», - ասել է Ինֆանտինոն:
ՖԻՖԱ-ի նախագահը, մարզիչներ Արսեն Վենգերը, Ժորժե Մոուրինյոն և հայտնի այլ մարզիչներ, ֆուտբոլիստներ հանրությանը հորդորում են լվանալ ձեռքերը, պահպանել սոցիալական հեռավորությունը, խուճապի չմատնվել, հետևել առողջությանը:
Սուպերաստղերը հենց իրենց անձնական միջոցներն են տրամադրում:
«Բարսելոնա»-ի լիդեր Լիոնել Մեսսին և այդ թիմի նախկին պաշտպան, մարզիչ, ներկայում Manchester City-ի մարզիչ Պդեպ Գվարդիոլան մեկական միլիոն եվրո են հատկացնում կորոնավիրուսի դեմ մահուկենաց կռվին: Մեսսիի տրամադրած գումարի կեսը կտրվի Բարսելոնայի հիվանդանոցին, կեսն էլ Արգենտինայի հիվանդանոցներից մեկին:
«Շնորհակալ եմ, Լեո, շնորհակալ եմ քո աջակցության համար», - Թվիթերում գրել է Բարսելոնայի հոսպիտալի ղեկավարը:
Գվարդիոլայի գումարն էլ փոխանվցում է Բարսելոնայի բժշկական քոլեջին: Այդ գումարով, մասնավորապես, բժշկական քոլեջը կգնի Թրի Դի պրինտերներ ռեսպիրատորներ, դիմակներ և պաշտպանիչ այլ սարքեր պատրաստելու ...
