«Բոլորս էլ վարկի տակ ենք, թող վարչապետը գա, պատասխանի՝ ուր տանենք էս խաղողը». Խաղողագործները բողոքի ակցիա են իրականացնում

Մի խումբ խաղողագործներ բողոքի ակցիա են իրականացնում կառավարության շենքի մոտ։

«2018 թվկանին Նիկոլ Փաշինյանն եկավ մարզ ու խոստացավ, որ այսուհետ խաղողագործը ոչ մի խնդիր չի ունենալու։ Կարծես թե, ամեն ինչ նորմալ էր այս տարի, ոչ մի խնդիր չկար՝ չնայած մթերման համար ցածր գին էին սահմանել», – ասաց ակցիայի մասնակիցներից մեկը՝ նշելով, թե խաղողը մնացել է, մթերող չկա։

«Ավագ Հարությունյանը («Գինու ազգային կենտրոն» ՀԿ նախագահ Ավագ Հարությունյանը- Aysor.am) կառավարությանը շատ խիստ մոտ կանգնած մարդ է, հաջողությամբ էն դաշտից թռավ էս դաշտ, ասում է, թե գինու արտահանման ծավալներն ավելացել են 40-50 տոկոս, կոնյակինը՝ 15-20 տոկոս, օղու արտադրման և արտահանման ծավալները՝ 250 տոկոս։ Աբսուրդ է, արտահանման ծավալներն այսքան ավելացել են, սպառում չկա։ Էս մարդիկ չեն ուզում բացահայտ, տղամարդավարի ասեն՝ մենք անզոր ենք էդ հարցերը լուծելու կամ անզոր ենք սպիրտի դեմն առնելու։ Հայկական կոնյակն իր վարկան...