Այսօր ՀՀԿ ԳՄ նիստից հետո՝ լրագրողների հետ ճեպազրույցի ընթացքում կուսակցության մամուլի խոսնակ, ԱԺ փոխխոսնակ Էդուարդ Շարմազանովը նշեց՝ նիստում այսօր քննարկվել են ներքաղաքական ու արտաքին քաղաքական բոլոր այն հարցերը, որոնք օգոստոս ամսվա ընթացքում առաջնային են եղել ՀՀ-ի համար:
ՀՀԿ խոսնակը շեշտեց՝ նիստի ընթացքում քննարկվել ու ամփոփվել է ՀՀ նախագահ Սերժ Սարգսյանի այցն Իրանի Իսլամական Հանրապետություն, քանի որ շատ են կարևորում Իրանի հետ հարաբերությունների զարգացումը:
«Իրանն ունի հավասարակշռված մոտեցում ԼՂՀ հակամարտության կարգավորման հարցում: Ավելին՝ Իրանի նախագահ Ռոուհանին ՀՀ նախագահ Սերժ Սարգսյանի հետ զրույցում նշել է, որ Իրանը կողմ է խնդրի բացառապես քաղաքական կարգա...