ՆԱՏՕ-ն կոչ է անում Հայաստանին ու Ադրբեջանին շարունակել բանակցությւոնները ղաաբաղյան խնդրի շուրջ և խուսափել իրավիճակի հետագա սրացումից:
Այսօր Բրյուսելում հանդիպելով Ադրբեջանի նախագահ Իլհամ Ալիևին՝ Հյուսիսատլանտյան դաշինքի գլխավոր քարտուղար Յենս Ստոլտենբերգն ընդգծել է, որ այդ հակամարտությունը չի կարող ռազմական ճանապարհով կարգավորվել․ - «Այսօր մենք քննարկեցինք տարածաշրջանային անվտանգությունը Հարավային Կովկասում: Լեռնային Ղարաբաղի չկարգավորված հակամարտությունը մտահոգության առիթ է: Հստակ է, որ այստեղ ռազմական լուծում չի կարող լինել: ՆԱՏՕ-ն այս հարցում ուղիղ դերակատարություն չունի, մենք աջակցում ենք ԵԱՀԿ Մինսկի խմբի համանախագահներին, և ես ուրախ եմ լսել, որ դուք վերսկսել եք բանակցությունները Հայաստանի նախագահի հետ: Մենք քաջալերում ենք ձեզ շարունակել բանակցային կարգավորման այդ ճանապարհն ու խուսափել իրավիճակի նոր սրացումներից»:
Ադրբեջանի նախագահը շրջանցել է բանակցությունների շարունակման ու հրադադարի պահպանման հորդորները՝ վերստին պնդելով, թե խնդրի կարգավորումը ձգգվում է հայկական կողմի պատճառով․ - «Տարածաշրջանի անվտանգությանը սպառնացող ամենամեծ վտանգը Հայաստանի ու Ադրբեջանի միջև չկարգավորված համամարտությունն է: Տարիներ շարունակ մեր տարածքները գտնվում են հայերի օկուպացիայի տակ: Ավելի քան մեկ միլիոն ադրբեջանցիներ դարձել են փախստական ու բռնի տեղահանված, նրանց դեմ էթնիկ զտումներ են իրականացվել: Եվ այդ իրավիճ...
