Գյումրիի քաղաքապետարանը այս տարի տնտեսած գումարներով ոչ թե նախկին քաղաքապետից ժառանգած պարտքերն է մարելու, այլ դրանք ուղղելու է համայնքային խնդիրների լուծմանը:
Ինչպես նշեց քաղաքի գլխավոր ֆինանսիստ Լենա Ջիլավյանը, անցած 5 տարվա ընթացքում շուրջ 1 մլրդ դրամի պարտք են փակել: Հիմա որոշել են տնտեսած շուրջ 100 մլն դրամ գումարով, օրինակ, բնակարաններ ձեռք բերել անօթևան ընտանիքների համար և մանկապարտեզ հաճախող երեխաների վարձերը զեղջել:
Գումարի մեծ մասը՝ 55 միլիոն դրամը հատկացվում է բնակարանների ձեռք բերմանը: Շատ գումար լիներ ավելի շատ բնակարաններ ձեռք կբերեինք, այսօր ավագանու նիստում հայտարարեց Ջիլավյանը:
Քաղաքապետարանը նաև մեկ շենք է ձեռք բերելու, որը հետագայում հնարավոր է կա՛մ ծերերի տուն դառա, կա՛մ սոցիալական բնակարան: Լենա Ջիլավյանին խիստ վրդովեցրել էին լրագրողները․ ասաց՝ ավագանու նիստի օրակարգում ընդգրկված հարցերը դեռ չքննարկած, քննադատում են:
Ջիլավյանը սրտնեղել էր հատկապես մարտի 8-ի միջոցառման համար 3 միլիոն դրամ հատկացնելու վերաբերյալ հրապարակումից ու քննադատությունից․ - «Մենք իրավունք չունե՞նք երեք միլիոնի ուշադրություն դարձնե...
