Դեպի վեր

Ըստ Արծվիկ Մինասյանի, Արայիկ Հարությունյանը ազգային արժեհամակարգ չունի

azatutyun.am4 օր առաջ

Ըստ Արծվիկ Մինասյանի, Արայիկ Հարությունյանը ազգային արժեհամակարգ չունի

«Կրթության և գիտության, մշակույթի և սպորտի նախարար Արայիկ Հարությունյանը ազգային արժեհամակարգ չունի», - Հայ հեղափոխական դաշնակցության Հայաստանի գերագույն մարմնի անդամ Արծվիկ Մինասյանի խոսքերն են: ՀՅԴ-ն այսօր ասուլիս էր հրավիրել՝ արձագանքելու նախարարի նախօրեի հայտարարություններին:

«Անձն իր վարքագծով, իր գործողություններով, իր արտահայտած մտքերով, իր պահվածքով, իր մոտեցումներով ամբողջությամբ ապազգային ընթացքի մեջ է», - ասաց Մինասյանը:

Գերագույն մարմնի ներկայացուցիչները դժգոհեցին, որ երիտասարդ դաշնակցականների պայքարը, իրենց իսկ ձևակերպմամբ, նախարարի ապազգային ծրագրերի դեմ Հարությունյանը կուսակցականացրել է և մեղադրանքներ հնչեցրել ՀՅԴ-ի հասցեին: Այնինչ, ըստ Արծվիկ Մինասյանի, դա սրտացավ երիտասարդության պոռթկումն է:

«Սա հայ երիտասարդների պայքարն է, ընդվզումն է: Դաշնակցությունը գտնվում է բոլոր այն տեղերում, որտեղ կա ազգայինը պահպանելու, պաշտպանելու, ազգայինը առաջ տանելու խնդիր», - նշեց Դաշնակցության գերագույն մարմնի անդամը:

Դաշնակցության երիտթևը շուրջօրյա նստացույց է սկսել Արայիկ Հարությունյանի հրաժարականի պահանջով: Նրանց միացել են նաև Երևանի պետական համալսարանի բանասիրական ֆակուլտետի ուսանողները: Դաշնակցականները դժգոհում են Արայիկ Հարությունյանի վերջին օրենսդրական առաջարկից, որ բուհական ծրագրում հայոց լեզու, հայ գրականություն և հայոց պատմություն առարկաները դառնան կամավոր, ոչ թե պարտադիր:

Բացի այդ երիտասարդները դժգոհ են, որ մետրոյի «Հանրապետության հրապարակ» կայարանի մոտ օրերս բեմադրված աղմկահարույց «ՀուԶանք ու Զանգ» ներկայացումը ֆինանսավորել է կրթության գիտության մշակույթի և սպորտի նախարարությունը: Արայիկ Հարությունյանն իր հրաժարականի պահանջին արձագանքել էր՝ կոչ անելով սփյուռքի Դաշնակցությանը տեր կանգնել Հայաստանում իրենց կուսակցությանը, քանի, որ ըստ նախարարի, այն անդաստիարակ պահվածքը, որը դրսևորում է Դաշնակցությունը, պատիվ չի բերում ամենահին կուսակցություններից մեկին:

Այս պիտակավորմանը արձագանքեց դաշնակցական Տարոն Տոնոյանը․ «Մեր համար անդաստիարակ են այն մարդիկ, ովքեր դատարաններն են շրջափակում: Պարոն Հարությունյանը կոչ է անում մեր սփյուռքի կառույցների ղեկավարներին գալ և տեր կանգնել հայաստանյան դաշնակցականներին, անդաստիարակ դաշնակցականներին, ես պարոն Հարությունյանին վստահաբար կարող եմ ասել հետևյալը՝ եթե մեր սփյուռքի կառույցի ղեկավարները գան Հայաստան և ավելի մոտիկից ծանոթանան այն ապազգային գործելաոճին, որ պարոն Հարությունյանը կրթության ոլորտում փորձում է իրականացնել, վստահաբար կարող եմ ասել հետևյալը՝ որ կհորդորեն հայաստանյան կառույցի դաշնակցականներին ավելի վճռական լինել, իրենց գործողություններում ավելի արմատական լինել»:

Հայաստանում կրթական քաղաքականությունը Արայիկ Հարությունյանի չի իրականացնում, այլ կառավարությունը:...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD477478
EUR523.5528.5
RUR7.427.55
ավելին
Արդեն հասանելի է
Դեպի վեր