Հայաստանի ֆուտբոլի ազգային հավաքականի եւ «Ռոմայի» կիսապաշտպան Հենրիխ Մխիթարյանն անկեղծ հարցազրույց է տվել ռուս հայտնի վիդեոբլոգեր Եվգենի Սավինի «КраСава» հաղորդմանը: Նա պատմել է, թե ինչու 2019թ. «Արսենալի» կազմում չի մասնակցել Եվրոպա լիգայի 2018-19 մրցաշրջանի «Չելսիի» դեմ եզրափակիչ խաղին: Ասել է, որ չի ցանկացել վտանգել իր կյանքը:
«Չէի կարող վտանգի տակ դնել կյանքս: Ադրբեջանցիները շատ անգամ են սպառնացել: Նամակներ են գրել ինստագրամով, ֆեյսբուքով, եթե հիմա էլ մտնեք, կտեսնեք, բայց ես ուշադրություն չեմ դարձրել: Հպարտ եմ, որ հայ եմ, շնորհակալություն իմ ժողովրդին, իմ ազգին, որն ինձ սիրում ու աջակցում է: Ամեն ինչ նրանց համար եմ անում»,- ասել է նա:
Մխիթարյանը մանրամասն խոսել է իր կարիերայի տարբեր փուլերի մասին: Դրա կարեւոր մասերից են «Մանչեստեր Յուրայթեդում» հանդես գալու ժամանակ այն ժամանակվա գլխավոր մարզիչ Ժոզե Մոուրինյոյի հետ ունեցած լարված հարաբերությունները: Հայ ֆուտբոլիստը խոսել է այդ մասին՝ հաստատելով, որ ամեն ինչ սկսվել է այն օրվանից, երբ թիմով հանդիպումներից մեկն են վերլուծելիս եղել, եւ Մոուրինյոն, այսպես ասած, կենտրոնացել է իր վրա եւ քննադատել վերլուծության ողջ ընթացքում:
«Այո՛, ճիշտ է: Ամեն ինչ դրանից է սկսվել, եւ հասկացա, որ այլեւս անելիք չունեմ այնտեղ: Եթե պրեսինգի եմ դիմում, պաշտպանվում եմ, գոլ եմ խփում, գոլային փոխանցումներ կատարում եւ ինչ-որ մեկը դժգոհ է, ուրեմն անելիք չունեմ այնտեղ: Ես չէի ցանկանում ժամանակ կորցնել»,- ասել է՝ Մխիթարյանը:
Մխիթարյանը խոսել է նաեւ հայկական ֆուտբոլից: Նա նշել...
