Երբ Ադրբեջանը հետախուզական արբանյակ էր գնում, Հայաստանի իշխանությունները գնում էին հողամասեր՝ հունական կղզիներում, այսօր Ազգային ժողովում հայտարարեց վարչապետ Նիկոլ Փաշինյանը։ Նա խորհրդարանում է՝ ներկայացնելու Կառավարության ծրագրի 2020 թվականի կատարման ընթացքի և արդյունքների մասին զեկույցը։
Ներկայացնելով 2017 թվականին արված մի վերլուծություն՝ ֆինանսավորված այն ժամանակ գործող իշխանությունների կողմից՝ Փաշինյանը նշեց՝ կրիտիկական ենթակառուցվածների զարգացման տեսակարար կշռով Հայաստանը պայմանական միավորով 10-1 հաշվով զիջել է Ադրբեջանին։ Կրկին վկայակոչելով այդ վերլուծությունը՝ վարչապետը նշեց՝ Հայաստանում ռազմաարդյունաբերական համակարգը սկսել է ձևավորվել 2016 թվականի ապրիլից, Ադրբեջանից 11 տարի ուշացումով։
«2017 թվականին Ադրբեջանն ուներ երկու արբանյակ, որոնցից մեկը՝ հետախուզական, որը գնել էր։ Այո՛, Ադրբեջանը հետախուզական արբանյակ էր գնում, իսկ Հայաստանի իշխանությունները գնում էին հողամասեր հունական կղզիներում, եվրոպաներում, այնտեղ, որտեղ հնարավոր էր։ Ուրեմն պետք է արձանագրել, որ նրանք տանուլ են տվել պետության ինստիտուցիոնալ կայացման հարցում՝ պետությունը վերածելով մի մաֆիոզ կառույցի, որը քամում է Հայաստանի կենսական միջոցները ու էդ մաֆիոզ կառույցները մինչև էսօր իրենց շոշափուկներն ունեն ամ...