Դերասան-հաղորդավար Սուրեն Փահլեւանյանը սիրով համաձայնել է լինել BRAVO.am-ի՝ ընտանիքների բացահայտման խորագրի հյուրը: Պարզվում է՝ մայիսի 19-ը կրկնակի տոնական է նրանց համար. այս օրը ծնվել են Սուրենի ծնողները:Հայրս՝ Հունան Փահլեւանյանը, 61 տարեկան է: Մասնագիտությամբ շինարար է, մինչ օրս աշխատում է:
Մայրս՝ Կարինե Վարուժյանը, 52 տարեկան է: Տնային տնտեսուհի է:
Քույրերս՝ Նվարդ, Աղավնի եւ Վարդիշաղ Փահլեւանյաններն ամուսնացած են: Երեքն էլ մեկ տղա եւ մեկ աղջիկ ունեն:
Կինս՝ Յանա Դանիելյանը, 32 տարեկան է: 2005թ.-ին ավարտել է Երեւանի Չայկովսկու անվան երաժշտական դպրոցը: 2011թ.-ին ավարտել է Երեւանի Կոմիտասի անվան պետական կոնսերվատորիայի դաշնամուրային բաժինը: Մասնագիտությամբ դաշնակահար է: 2007 թվականից որպես հաղորդավարուհի համագործակցել է հայկական մի շարք հեռուստաընկերությունների հետ, նկարահանվել սերիալներում եւ ֆիլմերում:
Ես՝ Սուրեն Փահլեւանյանս, ծնվել եմ 1985թ. օգոստոսի 23-ին՝ Երեւանում: 2001թ.-ին ավարտել եմ Երեւանի Ռուբեն Սեւակի անվան թիվ 151 միջնակարգ դպրոցը: Հետո ընդունվել եմ Երեւա...
