Մալաթիայի թաղապետի ու համատիրության նախագահի օպերատիվ աշխատանքի շնորհիվ հնարավոր է բազմաբնակարանային շենքը փրկել փլուզումից. ՖՈՏՈՌԵՊՈՐՏԱԺ, ՏԵՍԱՆՅՈՒԹ

SHAMSHYAN.com-ը սեպտեմբերի 23-ին ֆոտոռեպորտաժ, տեսանյութ է հրապարակել, թե ինչպիսի հակասանիտարական ու վտանգավոր վիճակ է տիրում Երևանի Մալաթիա-Սեբաստիա վարչական շրջանի Անդրանիկի 107 բազմաբնակարանային շենքի նկուղային հարկում, որտեղ սովետական տարիներից մնացած կոյուղատարերն ամբողջովին վնասված վիճակում են ու կեղտաջրերը լցվում էին նկուղով մեկ, վնասելով շենքի հիմքերը, իսկ տարածքում վխտում էին առնետները ու տիրում էր գարշահոտություն:



Այսօր՝ սեպտեմբերի 28-ին, SHAMSHYAN.com էին զանգահարել շենքի բնակիչները և իրենց շնորհակալությունն էին հայտնում Մալաթիա-Սեբաստիա վարչական շրջանի ղեկավար Սաշա Կատվալյանին և իրենց համատիրության նախագահին, ովքեր օպերատիվ կերպով աձագանքելով հրապարակմանը, հատուկ տեխնիկայի միջոցով մաքրել են տվել նկուղում առկա կեղտաջրերով լցված դիտահորերը ու արդեն հատուկ, ավելի որակյալ խողովակներ են բերել ու խոստացել, որ մեկ ամսվա ընթացքում կոյուղատարերը կփոխվեն նորով, իսկ վերջում էլ նկուղային հատվածը կբետոնապատվի, իսկ մինչ այդ բնակիչներն էլ իրեց կողմից նկուղում կուտակած աղբը խոստացել են հեռացնել:

Ավելի վաղ հայտնել էինք, որ արդեն 3 տարուց ավելի է, Երևան քաղաքի Մալաթիա-Սեբաստիա վարչական շրջանի Անդրանիկի 107 բազմաբնակարանային շենքի բնակիչները չգիտեն, թե էլ որ կառույցին դիմեն՝ կառավարություն, քաղաքապետարան, թաղապետարան, թե համատիրություն, որպեսզի գտնվի լուծում՝ ինչպես 14 հարկանի շենքը փրկեն փլուզումից:

Սեպտեմբերի 23-ին ֆոտոլրագրողի հետ...