Վանաձորում փոսային աշխատանքներ չիրականացվելուն «Հայկական ժամանակ»-ն անդրադարձել է բազմիցս: Քաղաքապետարանի պատճառաբանությունը մեկն է՝մրցույթներին մասնակցելու համար դիմողներ չկան: Բայց եթե հմուտ վարորդները հասցրել են ֆիքսել ամեն մի փողոցի ամեն ամեն մի փոսը, ապա սկսնակ վարորդների համար վանաձորյան փողոցներում երթեւեկելը իսկական պատուհաս է:
Ելնելով ստեղծված իրավիճակից, մարզկենտրոնի կենտրոնական ու ծայրամասային փողոցներում առկա փոսերից ու ամեն օր վնասվող մեքենաների խնդրից, Վանաձորում գործող «X Drive» ավտոդպրոցի վարորդ-հրահանգիչները նախորդ շաբաթ սկսեցին փոսալցումներ իրականացնել այն փողոցներում, որտեղով որ իրականացվում են ավտովարման գործնական դասընթացները: Մեկնարկը տրվեց Մոսկովյան եւ Թումանյան փողոցների հատման մասից, առկա փոսը բետոնով ծածկելուց: ...