Հունվարի 17-ին ընկերությունն անցկացրեց 14 եւ 16 դյույմանոց էկրանով MacBook Pro-ի եւ Mac mini-ի շնորհանդեսը։ Արտաքինից այս նոութբուքերը փոքր-ինչ տարբերվում են նախորդ սերնդի նոութբուքներից. հիմնական փոփոխությունները ներսում են։ M2 PRO եւ M2 MAX չիպերը 6 անգամ ավելի արագ են, քան Intel-ի վրա հիմնված MacBook Pro-ի բարձրակարգ սարքերը: Հունվարի 27-ից սկսած՝ Apple-ի նոր ապրանքները հասանելի են պաշտոնական վերավաճառող խանութներում՝ նախնական պատվերներ գրանցելու համար: Խոսենք սարքերի մասին ավելի մանրամասն:MacBook Pro-ն առաջվա պես ոճային տեսք ունի՝ մոնոլիտ ալյումինե կաղապարով, էկրանի նրբագեղ շրջանակով եւ 1080p HD տեսախցիկի պաշտպանիչ կաղապարով։
Նոթբուքները հասանելի են 14 դյույմանոց եւ 16 դյույմանոց չափերով եւ ունեն Liquid Retina XDR բարձրորակ էկրան: Էկրանն ունի լայն գունային գամմա եւ ունի 1 միլիարդ գույն, ինչը երաշխավորում է հարթ գրադիենտներ, մանրակրկիտ եւ առավելագույն հստակ երանգներ։ Պորտերը ներառում են երեք Thunderbolt 4, SDXC քարտի բնիկ եւ MagSafe 3 լիցքավորիչ։ Նոր MacBook Pro-ում պահպանվում են բոլոր վեց ստուդիական որակի բարձրախոսներ ու խոսափողներ:
Պրոֆեսիոնալ շարքի հիմնական առանձնահատկությունները
MacBook Pro-ի նոր սերունդը զգալիորեն կատարելագործվել է կատարողականության, մարտկոցի աշխատանքի եւ ընդհանուր արտադրողականության առումով: Տեխնիկական առանձնահատկությունները թույլ են տալիս անխափան կերպով կոդավորել եւ ռենդել, ստեղծել երաժշտություն, խմբագրել տեսանյութեր եւ աշխատել լուսանկարների հետ:
MacBook Pro-ի փոփոխություններից հարկ է նշել 12 միջուկանի Core i9 պրոցեսորը եւ 19 միջուկանի գրաֆիկական պրոցեսորը: Սա նշանակում է, որ մենք ստանում ենք արագության աճ նույնիսկ ամենաբարդ առաջադրանքների դեպքում, բարձր կատարողականություն գրաֆիկական խմբագիրների, վիդեո խմբագիրների եւ, իհարկե, խաղերի հետ աշխատելիս:
Նոթբուքերը դարձել են ոչ միայն ավելի արագ, այլեւ ավելի խնայող՝ լիցքավորման սպառման առումով։ Մեկ լիցքավորու...
