ԱՄՆ-ի պետքարտուղար Մայք Փոմփեոն խոստանում է, որ Միացյալ Նահանգները Մերձավոր Արեւելքում այսուհետ ավելի գործուն դեր կստանձնի։ Նրա խոսքերով, այնտեղ, որտեղից ԱՄՆ-ը հեռանում է, սկսվում է քաոս։
Քննադատելով նախորդ նախագահ Բարաք Օբամայի վարած քաղաքականությունն այստեղ, Փոմփեոն, ելույթ ունենալով Կահիրեի Ամերիկյան համալսարանում, հայտարարել է, թե ՝՝ինքնաստեղծ ամերիկյան ամոթի ժամանակաշրջանն ավարտված է։ Այժմ սկսվել է իսկական նոր սկիզբ՛՛, ասել է նա։
Ուղիղ մեկ տասնամյակ հենց այս նույն վայրում Բարաք Օբաման հանդես էր եկել այլ ուղերձ պարունակող ճառով։ Խոսել էր դեպի Իրաք ԱՄՆ-ի կողմից ներխուժում իրականացնելու արդյունքում առաջ եկած տխուր հետեւանքների մասին, ընդունել էր ահաբեկչության դեմ պայքարում ԱՄՆ-ի կողմից թույլ տրված սխալները, եւ հաշտության ձեռք էր մեկնել Արաբական աշխարհին։
՝՝Ես եկել եմ այստեղ ԱՄՆ-ի ու մահմեդական աշխարհի միջեւ նոր սկիզբ որոնելու համար՛՛, ասել էր նա։
Փոմփեոն այսօր հայտարարում է, թե Թրամփի օրոք Ամերիկան վերահաստատել է ՝՝այս տարածաշրջանում բարի ուժի իր ավանդական դերը՛՛։ Նրա խոսքերով, հարկավոր է զսպել Իրանին։
Վերլուծաբան Աարոն Դեյվիդ Միլլերի խոս...