Պարզվում է՝ հայտնի լինելը բավականին թանկ է արժենում Քենդալ Ջեներին: Աշխատանքում մշտական սթրեսները, լարվածությունը, գերհոգնածությունը, հասարակական ճնշումները և իր անվան շուրջ բամբասանքներն ու քննադատություններն աղջկա նուրբ ուսերի համար չափազանց ծանր բեռ են և լիովին հյուծել են նրան: Այդ ամենի հետևանքով նրա մոտ տագնապի նոպաներ են սկսվել: Այս մասին Ջեները խոստովանել է Harper's Bazaar-ին տված հարցազրույցում, որի փետրվարյան համարի շապիկն է զարդարում նա:
Ի դեպ, Քենդալը նկարահանվել է ամբողջությամբ մերկ, իսկ հայտնի ամսագիրը մոդելի հետ հարցազրույցը անվանել է «Մերկ ճշմարտություն»: Հարցազրույցը վարել է մեկ այլ հայտնի մոդել Կառա Դելեւինը:
«Ես հաճախ եմ գիշերները վեր թռնում տագնապի նոպայով: Դժվար է դրանց համար որևէ պատճառ նշել, չեմ կարող ասել, թե դրանք ինչից են առաջանում: Որևէ առաձին պատճառ չկա: Աշխարհում սիրո պակաս կա: Օրինակ, սոցցանցերում մարդիկ միմյանց սարսափելի բաներ են գրում: Եվ այդ ամենը կարդալուց հետո դժվար է լավատես մնալ և բարձր տրամադրություն պահպանել»,- խոստովանել է Քենդալը:
Նա նաև պամել է մոդելի մասնագիտության դժվարությունների ու զրկանքների մասին: Երիտասարդ աստղի խոսքով՝ նա, ինչպես և մնացած բոլոր աղջիկները, ստիպված են երկար ճանապարհ անցնել՝ մինչև բաղձալի պատվանդանին հասնելը: Մոդելը պարտադրված էր մասնակցե...