Այսօր հանդիպում են Մայք Փոմփեոն և Սերգեյ Լավրովը

Ռուսաստանի և ԱՄՆ արտաքին գերատեսչությունների ղեկավարներ Սերգեյ Լավրովը և Մայք Փոմփեոն այսօր կհանդիպեն Վաշինգտոնում: Այդ լուրը երեկ հաստատել են Միացյալ Նահանգների Պետական դեպարտամենտը և Ռուսաստանի արտգործնախարարության մամլո բաժինը:

Օրակարգում Ուկրաինայի, Սիրիայի, սպառազինությունների վերահսկման և երկկողմ հարաբերությունների խնդիրներն են:

The Washington Post պարբերականի փոխանցմամբ՝ ենթադրվում է, որ հանդիպումից հետո տեղի կունենա արտգործնախարարի և պետական քարտուղարի համատեղ ասուլիսը:

Փոմփեոն և Լավրովը մի քանի անգամ հանդիպել են, ինչպես նաև հեռախոսով են զրուցել:

2017 թվականի մայիսին, երբ Փոմփեոն դեռ չէր ստանձնել պետքարտուղարի պաշտոնը, Լավրովին և այն ժամանակ ԱՄՆ-ում Ռուսաստանի դեսպան Սերգեյ Կիսլյակին Սպիտակ տանն ընդունել է Միացյալ Նահանգների նախագահ Դոնալդ Թրամփը:

Թրամփի ազգային անվտանգության հարցերով խորհրդական Ռոբերտ Օ'Բրայենը CBS հեռուստակայանի թղթակցի հետ զրույցում չի բացառել Ամերիկայի նախագահի և Ռուսաստանի արտգործնախարարի հանդիպման հնարավորությունը:

Օ'Բրայենն ասել է, որ նման հանդիպումների ժամանակ սովորաբար գործում է փոխադարձության սկզբունքը: Երբ Փոմփեոն վերջին անգամ մեկնել է Ռուսաստան՝ Սոչ...