Ռուս-թուրքական պարեկության երրորդ խումբը սկսեց գործել Սիրիայի Քամիշլի քաղաքի հյուսիս-արևելքում, այս մասին այսօր հայտնել է Ռուսաստանի Պաշտպանության նախարարությունը։
ՌԻԱ «Նովոստի»-ի տվյալներով` առաջին անգամ համատեղ պարեկություն տեղի կունենա նոր երթուղու երկայնքով, որի երկարությունը կգերազանցի 100 կիլոմետրը: Զինվորական ուժերը կսկսեն Դեյրա-Նագա մաքսակետից և կուղևորվեն դեպի արևելք, թուրք-սիրիական սահմանի երկայնքով՝ անցնելով մի քանի խոշոր բնակավայրեր:
Ռուս-թուրքական այս խմբում են ռուսական Typhoon, Tiger և BTR-80 զրահատեխնիկան, ինչպես նաև թուրքական սահմանային ծառայության Kirpi զրահատեխնիկան։ Բացի այս, պարեկությունը թուրք-սիրիական սահմանի այս հատվածում իրականացնում են երկու երկրների 24 զինծառայողներ:
Տարածքը վերահսկում է Ռուսաստանի ռազմական ոստիկանության «Օրլան-10» անօդաչու թռչող սարքը: Սիրիական տարածքները հյուսիս-արևելքում վերահսկում են նաև ռուսական ուղղաթիռները։ Այդ մասին այսօր հայտարարել է ռուսաստանցի ռազմական օդաչու Դմիտրի Իվանովը՝ հավելելով, թե ուղղաթիռները կուղեկցեն Ռուսաստանի ռազմական ոստիկանության ստորաբաժանումներին և կապահովեն անվտանգության պարեկային գոտում:
«Մենք հատուկ առաքելություններ ենք սկսել Սիրիայի Արաբական Հանրապետության հյուսիսային նահանգներում օդային պարեկություն իրականացնելու համար: Օդային պարեկությունն իրականացվում է մի քանի ուղղություններով: Թռիչքներն իրականացնում են ուղղաթիռների խմբերը զույգերով` 50-60 մետր բարձրության վրա», - ասել է Իվանովը:
Սիրիայի հյուսիսում իրավիճակը սրվել է հոկտեմբերի սկզբին, երբ Թուրքիան հայտարարեց քրդական զինված խմբավորումնե...