Պատերազմին առնչվող Հայաստանի գլխավոր գանգատն ընդդեմ Ադրբեջանի գրեթե պատրաստ է և մինչև փետրվար արդեն կուղարկվի Մարդու իրավունքների եվրոպական դատարան։
«Շրջանակները վերաբերում են առաջինը զոհերին քաղաքացիական անձանց միջև, վիրավորներին, ինչպես նաև տեղահանված անձինք, ովքեր որ ստիպված են եղել պատերազմի հետևանքով տեղափոխվել Հայաստանի Հանրապետություն օրինակ, ներառելու է նաև բոլոր անձանց սեփականության իրավունքի վերաբերյալ հարցերը, այսինքն` Շուշի, Հադրութ, որոնք անցել են Ադրբեջանի վերահսկողության ներքո, օկուպացվել են վերջինիս կողմից, ինչպես նաև շրջանակը ներառելու է երեխաների կրթության իրավունքը, որը ևս, կարծում ենք, ոտնահարված է», - ասում է Մարդու իրավունքների եվրոպական դատարանում Հայաստանի ներկայացուցիչ Եղիշե Կիրակոսյանը:
Վերջինս հայտնեց, որ մինչ օրս ՄԻԵԴ ուղարկված դիմումները հիմնականում պատերազմին առնչվող, սակայն միջանկյալ միջոցներ են եղել, իսկ արդեն գրեթե ավարտուն գանգատը հսկայական ծավալ ունի ու ներառում է հարցերի մեծ շրջանակ, որոնք վերաբերում են մարդու իրավունքների, ինչպես նաև միջազգային իրավունքի նորմերի՝ Ադբեջանի թույլ տված խախտումներին։ Ոչ մեծաթիվ, բայց ՄԻԵԴ-ում կան նման գանգատների նախադեպեր. «Ընթացիկ Վրաստան-Ռուսաստան գործը կա, որը շուտով, կարծում ենք, կլինի վճիռ: Նաև կա Ուկրաինա-Ռուսաստան գործը, նաև ժամանակին կար Թուրքիա-Կիպրոս: Դրանք այն հիմնական առանցքային նախադեպերն են միջպետական նախադեպերի, որոնք առկա են, բայց կարծում ենք` մեր ներկայացվելիք իր բովանդակությամբ և իր ծավալով շատ ավելի լայնածավալ է, քան նշված գանգատները»:
Հայաստանը Եվրոպական դատարանի միջոցով կփորձի հասնել մի քանի նպատակների, արձանագրել մարդու իրավունքների խախտումները, ինչպես նաև պահանջել փոխհատուցում, թե կոնկրետ որքան, այս պահին դեռ կառավարության ներկայացուցիչը չի հայտնում. «Առաջինը` ֆիքսելը կամ ընդունելը, հաստատելը կոնկրետ իրավունքների խախտումը, երկրորդը` պարզ է` ներկայացվել է պահանջ նաև հատուցման խնդրով, ինչը գույքային պատճառված վնասի հատուցման նպատակով պահանջ ներկայացվելու է անպայման: Ես դրա համար նշեցի սեփականության իրավունքի մասին: Ամենասկզբնական փուլում մենք հաշվարկ չենք ներկայացնի, բայց ընթացիկ փուլում արդեն կներկայացվի, որովհետև նաև դա ընթացակարգերից է բխում դատարանի»:
Ադրբեջանն իր հերթին դիմել է Եվրոպական դատարան Հայաստանի դեմ, հայտնում են ադրբեջանական լրատվամիջոցները, ինչպես գրում են, «գանգատը վերաբերում է մարդու իրավունքների խախտումներին Հայաստանի կիրառած ագրեսիայի պատճառով»: Հայտնում են, թե քանի խաղաղ բնակիչ է զոհվել, քանի բնակելի շենք ու տուն է քանդվել և այլն։
«Պաշտոնական չենք ծանուցվել դրա մասին: Կարծում եմ` որոշակի ժամանակ կանցնի, մ...
