«Իմ որդին ինչ-որ արել է, նա իր արածի համար պատասխան տվել է, առաջին հերթին օրենքի առաջ, ես զզվում եմ այն ծնողներից, ովքեր իրենց երեխաներին լկտի են դաստիարակում։ Այ կան չէ երես առած, հաբրգած, ամենաշատը ես զզվում եմ նմանատիպ երիտասարդներից, եթե իմ որդին նմանատիպ լինի, հավատացեք, ես երեկոյան բարձը կդնեմ բերանին կխեղդեմ, ես էդպիսի տղա չունեմ», – այսօր «Ազատության» «Ֆեյսբուքյան ասուլիս» հաղորդման ժամանակ ասաց Գյումրիի նախկին քաղաքապետ, «Ծառուկյան» խմբակցության պատգամավոր Վարդան Ղուկասյանը՝ արձագանքելով օգտատերերի այն դիտարկումներին, թե իր տղան վախի մթնոլորտ է տարածում Գյումրիում։
Օգտատերերից մեկի դիտարկմանը, թե Ղուկասյանների անունը շատ է կապվում տարբեր սպանությունների հետ, և հարցին, թե հատկապես ո՞ր սպանության հետ առնչություն ունեն, Ղուկասյանը պատասխանեց.
«Ճիշտն ասած, մեզի են սպանել, մենք ոչ մեկին չենք սպանել, մենք էնպիսի մարդ չենք, որ պատվեր տանք, պատի ծակից խփել տանք, միշտ մեր ապրածը ուրիշ է եղել, մեր ապ...