ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանը մայիսի 23-ին այցելել է Արարատի մարզ ծանոթանալու գյուղատնտեսական աշխատանքների ընթացքին։ Ինչպես տեղեկացնում է «Արմեպրես»-ը, վարչապետի առաջին կանգառը Ազատավան համայնքն էր, որտեղ նա ծանոթացավ ինտեսնսիվ այգու աշխատանքի ընթացքին։ ՀՀ վարչապետին ուղեկցում են Էկոնոմիկայի նախարար Տիգրան Խաչատրյանը, Տարածքային կառավարման և ենթակառուցվածքների նախարար Սուրեն Պապիկյանը և Արարատի մարզպետ Գարիկ Սարգսյանը։
Գյուղատնտեսը օգտվել է պետական աջակցության ծրագրով։ Այգու պահպանման համար կա մոտ 12 աշխատակից, իսկ բերքահավաքի ժամանակ կլինի մոտ 50 աշխատակից։ Գյուղատնտեսը ուսումնասիրել է շուկան և այգում աճեցրել է հատուկ սորտի տանձեր, որը ունի լայն սպառում, թե ներքին, թե արտաքին շուկայում։
Նա նշեց, որ ցանկանում են ընդլայնել այգին, սակայն հողատարածք չկա՝ հարևան հողատարածքների սեփականատերերը կամ չեն ցանկանում վաճառել այն կ...
