PanARMENIAN.Net - Հայաստանի ֆուտբոլի ֆեդերացիայի և Vbet ընկերության` մոտ 4 տարվա արդյունավետ համագործակցությունը մոտեցել է ավարտին սեպտեմբերի 12-ին ուժի մեջ մտած ՀՀ գովազդի մասին օրենքում փոփոխություններով։ Այն արգելում է վիճակախաղերի և շահումով խաղերի գովազդը:
Հայաստանի ֆուտբոլի ֆեդերացիան շնորհակալություն է հայտնել Vbet ընկերությանը բեղմնավոր համագործակցության համար: Դրա շնորհիվ հնարավոր է դարձել նոր մակարդակի բարձրացնել ակումբային մրցաշարերի կազմակերպումը, ներկայացվածությունն ու ճանաչելիությունը:
ՀՖՖ-ն սկսել է գործակցել Fastex ընկերության հետ, և վերջինս դարձել է Հայաստանի Պրեմիեր Լիգայի և Հայաստանի գավաթի խաղարկության տիտղոսային հովանավոր:
Այսպիսով, Հայաստանի Պրեմիեր Լիգայի և Հայաստանի գավաթի խաղարկությունները 2022/23 մրցաշրջանում կկրեն Fastex Հայաստանի Պրեմիեր լիգա և Fastex Հայաստանի գավաթ անվանումները:
Fastex-ը հանդիսանում է Web3 տեխնոլոգիայով առաջնորդվող էկոհամակարգ, որն իր մեջ ներառում է Fasttoken կրիպտոարժույթը, Fastex Verse մետավերս տիրույթը, Fastex Exchange կրիպտոարժույթի փոխանակման հարթակը, Fastex Pay կրիպտո վճարային համակարգը, ftNFT մարկետը, ինչպես նաև Fastex Chain բլոկչեյն հարթակը։
«Նախ ցանկանում եմ շնորհակալություն հայտն...