Իհարկե, վատ չէ, որ Հայաստանը գոյություն ունի որպես առանձին պետություն. Կոբզոն (տեսանյութ)

ՌԴ Պետդումայի պատգամավոր, Ռուսաստանի վաստակավոր արտիստ Իոսիֆ Կոբզոնը կարծում է, թե լրագրողներն են մեղավոր, որ աշխարհում հակառուսական տրամադրություններ են տարածվել: Այս մասին նա ասաց այսօր՝ սեպտեմբերի 22-ին, Երեւանում լրագրողների հետ հանդիպման ժամանակ: Ըստ նրա՝ նախկին Խորհրդային Միության բնակիչները հպարտանալու շատ բան ունեն, եւ լրագրողները պետք է պատմեն աշխարհին ԽՍՀՄ արժանիքների մասին:

«Ռուսաֆոբությունն առաջացել է ձեր պատճառով, քանի որ դուք համաշխարհային հանրությանը քիչ եք պատմում հաջողությունների մասին, որն ուներ Խորհրդայի Միությունը, որը 27 մլն կյանքերի գնով պաշտպանեցինք ֆաշիստներից, իսկ հետո առանց մի կրակոցի հանձնեցինք՝ վերածելով 15 անկախ պետությունների: Իհարկե, վատ չէ, որ Հայաստանը գոյություն ունի որպես առանձին պետություն, սակայն ոչ ոք Հայաստանին չի զրկել Ռուսաստանի ընկերը լինելու իրավունքից, եւ հակառակը՝ ոչ ոք Ռուսաստանին չի զրկել Հայաստանի ընկերը լինելու իրավունքից: Կարծում եմ՝ տեղեկատվական պատերազմում մենք պարտվել ենք լրագրողների պատճառով: Նրանք չեն պատմում այն հաջողությունների մասին, որոնք ունեցել ենք, իսկ մենք հպարտանալու շատ բան ունենք, օրին...