Թուրքիայում ավերիչ երկրաշարժի հետևանքով տագնապի ամենաբարձր մակարդակ է հայտարարվել. այն նախատեսում է միջազգային օգնություն։
Անկարայում շտապ օգնության կենտրոն է կազմակերպվել Արտակարգ իրավիճակների վարչության շենքում։ Այն համակարգում են փոխնախագահ Ֆուաթ Օքթայը, ներքին գործերի նախարար Սուլեյման Սոյլուն, շրջակա միջավայրի և քաղաքաշինության նախարար Մուրադ Քուրումը։ Նախագահ Ռեջեփ Թայիփ Էրդողանը տեղեկացվել է երկրաշարժից տուժած շրջաններում տիրող իրավիճակի մասին։
Փլատակների տակից մարդկանց դուրս բերելու համար Թուրքիայի հարավ-արևելք փրկարարական խմբեր են ուղարկվել հանրապետության այլ շրջաններից։
Թուրքական Կարմիր մահիկը սկսել է արյան պաշարներ մատակարարել տուժածներին օգնելու համար։ Կազմակերպությունը հորդորել է հանրապետության բնակիչներին լրացուցիչ փոխանցել արյուն։
Երկրաշարժի հետեւանքների վերացմանը մասնակցելու համար Թուրքիայի ռազմաօդային ուժերը ներգրավել ե...