Մարտի 1-ի զոհերի իրավահաջորդների ներկայացուցիչ, փաստաբան Տիգրան Եգորյանն անհիմն է համարում Սահմանադրական դատարանի նախագահ Հրայր Թովմասյանի այն թեզը, որ իր բնակարանում կատարված խուզարկությունն ու հարուցված քրեական գործը իրեն հրաժարական պարտադրելու նպատակով են արվում:
Այս թեմային «Ազատության» «Կիրակնօրյա վերլուծականի» ընթացքում Հրայր Թամրազյանի հետ զրույցում անդրադարձել է Եգորյանը:
Ստորև՝ հատվածներ հարցազրույցից.
Տիգրան Եգորյան. - Սա, ըստ էության, այն պաշտպանական գիծն է, որն ընտրել է Հրայրը Թովմասյան, և սա այնքան անհիմն մի թեզ է, որ նույնիսկ ինքը չի կարողանում պատճառաբանել դա, և ինքն իրեն համարելով դատավոր նույնիսկ այնքան խոհեմություն և լրջություն չունի, որ խորանա հենց կոնկրետ առաջադրված մեղադրանքի բովանդակության մեջ: Եվ հենց, օրինակ, եթե համարում է, որ նա որևէ կերպ առնչություն չունի, և այս գործն, ըստ էության, շինծու գործ է, հենց իր այդ գործին իր մասնակցությամբ ապացուցի: Բայց ի՞նչ է նա անում, նա հայտարարում է, որ սա քաղաքական հետապնդում է, այդ պատճառով էլ ես ցուցմունք չեմ տալիս, այ սրա վերաբերյալ ես առանձնապես շատ կարծիքներ չեմ ուզում հայտնել, որոհետև վաղը կարող է որպես Սահմանադրական դատարանի դատավոր քննարկեմ այս գործը:
Հասկանո՞ւմ ...
