Պետական եկամուտների կոմիտեն ամփոփում է 2020 թվականի 1-ին կիսամյակում ապահովված եկամուտները
2020 թվականի 1-ին կիսամյակում ՀՀ պետական եկամուտների կոմիտեի կողմից ապահովվել է 680.3 մլրդ դրամ հարկային եկամուտներ: 2019թ. 712.8 մլրդ դրամ ցուցանիշի համեմատ արձանագրվել է անկում 4.56%-ով կամ 32.5 մլրդ դրամով։
Հարկային մարմնի կողմից փաստացի հավաքագրված եկամուտներն աճել են 3.22%-ով կամ 19.4 մլրդ դրամով և կազմել 622.2 մլրդ, իսկ մաքսային մարմնի կողմից հավաքագրված եկամուտները նվազել են 23.07%-ով կամ 37 մլրդ դրամով և կազմել 123.4 մլրդ դրամ:
2020թ. առաջին կիսամյակում ավելացված արժեքի հարկի և հիփոթեքային վարկի տոկոսների սպասարկմանն ուղղված եկամտային հարկի գծով տնտեսավարողներին վերադարձվել է 65.3 մլրդ դրամ գումար, իսկ 2019թ.-ի համադրելի ժամանակահատվածում ավելացված արժեքի հարկի և հիփոթեքային վարկի տոկոսների սպասարկմանն ուղղված եկամտային հարկի գծով տնտեսավարողներին վերադարձվել էր 50.4 մլրդ դրամ գումար:
Տնտեսական մեկնաբան Ինգա Ղալայանի հետ զրուցել ենք վերոնշյալ ցուցանիշների մասին:
«Այս պահին մենք խոսում ենք մի տնտեսության մասին, որը գործել է ֆորսմաժորային իրավիճակում, շուրջ երեք ամիս էլ եղել է լոքդաունային իրավիճակ։ Այսինքն, փակ է եղել թե ներքին, թե արտաքին տնտեսական գործունեությունը։ Ակնկալելի էր, որ այսպիսի անկում է լինելու։ Իրականում իմ կա...
