«Աղքատության վերաբերյալ այն իրավիճակը, որը կար՝ եղել է նախկին իշխանությունների քաղաքական նպատակը, այլ ոչ թե տնտեսական իրավիճակի արդյունք կամ այլ կերպ ասած՝ եղել է նման քաղաքական պատվեր, որի համար տնտեսական մեխանիզմներ են գտնվել, այսինքն՝ քաղաքական պատվերն այն էր, որ քաղաքացիները լինեն կառավարելի և ոչ ակտիվ, որպեսզի ընտրությունների ժամանակ հնարավոր լիներ կանխատեսելի արդյունքներ ապահովել՝ մի քանի հազար դրամ ընտրակաշառք կամ այլ տիպի «օգնություն» բաժանելու միջոցով։
Մարդկանց ստիպել են յոլա գնալու տարբերակով ապրել և հիմա շատ լավ է, որ ներկայիս կառավարությունը հեռու է այդ մտքից և անձամբ Նիկոլ Փաշինյանն այլ պնդում է անում՝ վերացնել յոլա գնալը և որպես պետություն քաղաքացիներին տալ հնարավորություն աշխատելու, բիզնեսով զբաղվելու»,- «Առաջին լրատվական»-ի հետ զրույցում նշեց տնտեսագետ Վահագն Խաչատրյանը՝ խոսելով սոցիալական աջակցության ներդրման նոր հայեցակարգի մասին։
Տնտեսագետի կարծիքով՝ այստեղ շատ մեծ անելիք ունեն նաև մարզպետները՝ յուրաքանչյուրն իր մարզում սոցիալական ծրագրեր իրականաց...