Յուրի Խաչատուրովը ունի երկու օր ևս ժամանակ` Ապրիլյան քննիչ հանձնաժողով ներկայանալու և հարցերին պատասխանելու համար, այսօր տեսակապով ԱԳ նախկին նախարար Էդվարդ Նալբանդյանի հետ հանդիպումից հետո հայտարարեց հանձնաժողովի նախագահ Անդրանիկ Քոչարյանը:
«Դա շատ կարևոր է, ես հիմա հայտարարություն եմ անում, հատկապես պարոն Նալբանդյանին լսելուց հետո 2 ժամից ավելի: Կան բաներ, որ Յուրի Խաչատուրովը հանձնաժողովում պետք է պատասխանի հարցերին, դրանք այնքան կարևոր են, որ ես հիմա այս հայտարարությունն անում եմ: Եվ ես կարծում եմ, որ նորից ես նամակներ չեմ ուղարկելու, որովհետև նամակ ուղարկել ենք, ստացել ենք պատասխան, բայց էս ամբողջ գործընթացի մեջ չի եղել մի պաշտոնյա, ընդհուպ պարոն Նալբանդյանը, և կլինի մի օր, որ ձեզ այս ձայնագրությունները հասանելի կլինեն, և կտեսնեք, թե մեզ հուզող ամենակարոր հարցերը, որը մենք հնչեցրել ենք, պատահական չի չէ՞, որ արտաքին գործերի նախարարի պաշտոնն այդ ժամանակ զբաղեցրած անձնավորությանը մենք տալիս ենք հարցեր, և ես հայտարարում եմ, որ Խաչատուրովը դեռ երկու օր, մենք ամսի չորսին ենք ոնց որ վերջացնում մեր ժամկետը, մինչև չորսը մենք պատրաստ ենք ցանկացած ձևաչափով նշանակել հանձնաժողովի նիստ և ուղղել հարցեր պարոն Խաչատուրովին պարոն Նալբանդյանին լսելուց հետո»,- ասաց Անդրանիկ Քոչարյանը:
Նա հավելեց` այլապես եզրակացությունները կներկայացնեն առանց իրեն լսելու:
«Եվ այդ եզրակացությունների մեջ կլինեն եզրահանգումներ, որով պետք է զբաղվեն արդեն այլ մարմիններ: Քննիչ հանձնաժողովն այլևս անելիք չունի: Բնականաբար, համար մեկ զինվորական պաշտոնը զբաղեցրած անձնավորությունը, որն այս գործընթացի մեջ ունեցել է շատ կարևոր, ամենակարևոր դերակատարումներից մեկը, պետք է գա և պատասխանի այս հարցերին: Իրեն ուղղված հարցեր են դրանք»,- նկատեց նա:
Հարցին, թե Յուրի Խաչատուրովը միա՞կ պաշտոնյ...
