Վարչապետ Նիկոլ Փաշինյանն այսօր ֆեյսբուքյան իր էջի ուղիղ եթերում զանգահարել է պատահական հեռախոսահամարներով՝ քաղաքացիների հետ շփվելու և կորոնավիրուսի հետ կապված խիստ եկուսացման ռեժիմում սոցիալական աջակցության ծրագրերն ավելի արդյունավետ և թիրախային դարձնելու համար:
Առաջին պատասխանողը ծեր կին էր, անկողնային հիվանդ, ում դուստրը պետք է մեկներ երկրից: Ասաց՝ սոցիալական աշխատողը վերջերս չի երևում, խոստացված քայլակներն էլ չի ստացել:
«Մայրիկ ջան, ուզում եմ իմանալ` ո՞նց եք, ո՞նց եք դիմանում այս սահամանափակումներին», - հարցրեց վարչապետը:
«Մի կերպ, ես պառկած հիվանդ եմ, ամուսինս էլ 90 տարեկան է, ուղղակի մենք տնից դուրս չենք գալիս», - պատմեց կինը` հավելելով, որ իր դուստրը, ով բնակվում է արտերկրում, հիմա իրենց մոտ է, օգնում է, սակայն սոցիալական աշխատողը մի քանի օր է, ինչ չկա:
Գյումրեցի կինը վարչապետի զանգից անակնկալի եկավ, ասաց՝ թոշակառու է, բայց ռուսաստանյան թոշակ է ստանում, քանի որ այդ երկրի քաղաքացի է, ֆինանսապես դիմանում են:
Հաջորդ ընտանիքը, սակայն, պարզվեց՝ ապրում է վարկերի շրջապտույտ...