Երկուշաբթի օրը Փարիզում կազմակերպված կենսաթոշակային բարեփոխումների դեմ բողոքի ցույցերի ժամանակ 113 մարդ է բերման ենթարկվել։ Այս մասին հայտնում է BFM հեռուստաալիքը։
Փարիզի 7-րդ թաղամասի Վոբան հրապարակում տեղի է ունեցել ամենազանգվածային ցույցերից մեկը։ Մի քանի հազար մարդ հավաքվել է հրապարակում՝ պահանջելու կենսաթոշակային բարեփոխումների վերացումը և իրենց անհամաձայնությունը հայտնելու կառավարության՝ խորհրդարանը շրջանցող համապատասխան օրինագիծն ընդունելու որոշմանը։
Այն բանից հետո, երբ կառավարությանն անվստահություն հայտնելու երկու ընդդիմադիր բանաձևերը չհաջողվեցին խորհրդարանի Ազգային ժողովում (ստորին պալատ) բավարար ձայներ հավաքել, որոշ ցուցարարներ սկսել են այրել աղբամանները և բախումներ են սկսել ոստիկանության հետ: Իրավապահները արցունքաբեր գազ են կիրառել և արգելել ցուցարարների մուտքը հրապարակ։
Մի քանի ժամ անց ցուցարարներին թույլ են տվել հեռանալ Վոբանից, նրանցից ոմանք գնացել են Սե...
