Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Լուսանկարում՝ Տիգրան Վիրաբյան, Վլադիմիր Սիմոնյան

Երեւանի քաղաքապետ Հայկ Մարությանը այսօր ստորագրել է Երեւանի կենդանաբանական այգու տնօրեն Ռուբեն Խաչատրյանի ազատման դիմումը, որը նա ներկայացրել է այս ամսվա սկզբին: Տեղեկությունը «Հայկական ժամանակին» հայտնեց Երեւանի քաղաքապետի մամուլի քարտուղար Հակոբ Կարապետյանը: Նա նաեւ նշեց, որ փոխքաղաքապետ Տիգրան Վիրաբյանը այսօր այգու աշխատակիցներին է ներկայացնելու տնօրենի ժամանակավոր պաշտոնակատարին:

Տիգրան Վիրաբյանը ՀԺ-ի հետ զրույցում տեղեկացրեց, որ Երեւանի կենդանաբանական այգու տնօրենի ԺՊ կլինի այգու փոխտնօրեն Վլադիմիր Սիմոնյանը: Փոխքաղաքապետը նաեւ հայտնեց, որ չնայած արդեն Հայաստանում է Կենդանաբանական այգու հրավիրյալ փոխտնօրենը, բայց նրա պաշտոնական նշանակումը փոքր-ինչ կձգձգվի: Ապագա փոխտնօրեն Իման Մեմարիանը եկել է Իրանի Իսլամական Հանրապետությունից: Նա պատրաստվում է Հայաստանի քաղաքացիութ...