Ազգային վիճակագրական ծառայությունը հրապարակել է 2018 թ․-ի համախառն ներքին արդյունքի տարեկան ցուցանիշը։ Ավելի պարզս ասած, թե որքանո՞վ է աճել մեր ամբողջ տնտեսությունը 2018թ․-ին։
Այսպիսով, անցյալ տարի Հայաստանի տնտեսական աճը կազմել է 5,2 տոկոս, իսկ համախառն ներքին արդյունքը (տնտեսության ամբողջ ծավալը) կազմել է 6 տրլն 2 մլրդ դրամ։ Վերջին թիվը ընթացիկ գներով է հաշվարկված, այսինքն դրա մեջ ներառված է նաև 2018 թ․-ին գրանցված 2,5 տոկոս գնաճը։
Նկատենք, որ 2018 թվականը մեկնարկեց բարձր տնտեսական աճով՝ հունվար-մարտ ամիսներին տնտեսական ակտիվությունն է աճել է 10,6 տոկոսով։ Ապրիլ-մայիս ամիսների այսպես կոչված «թավշյա» հեղափոխությունը ցնցեց տնտեսությունը՝ հետեւում թողնելով տնտեսակության ակտիվության բարձր ցուցանիշը:
Հայաստանը ներքին շրջափակման մեջ էր. փակվեցին ոչ միայն ներաղաքային փողոցները, այլ նաեւ միջպետական ճանապարհներ, երկաթուղի, օդանավակայանը, հրահրվեցին գործադուլներ, Փաշինյանն ու նրա շրջապատը կաթավածահար արեցին տնտեսությունը, կոչ արվեց չվճարել կոմունալ ծախսերը: Բարեբախտաբար թե դժբախտաբար «կամ ես կլինեմ վարչապետ, կամ Հայաստանը վարչապետ չի ունենա»՝ Նիկոլ Փաշինյանի շանտաժը աշխատեց եւ բանը չհասավ կոմունլներ չվճարելուն:
Թեեւ իրավիճակը ավելի վատթարացավ, երբ երկրի բարձրագ...