Հայաստանի ֆուտբոլի ազգային հավաքականի մի շարք խաղացողներ իրենց գոհունակությունն են հայտնել այն առիթով, որ ընտրանու գլխավոր մարզչի պաշտոնում է նշանակվել իսպանացի Խոակին Կապառոսը: Այդ մասին Հայաստանի ֆուտբոլի ֆեդերացիայի պաշտոնական կայքին տված հարցազրույցում ասել է ՀՀ հավաքականի եւ Կիպրոսի ԱԵԼ-ի կիսապաշտպան Գեւորգ Ղազարյանը: Նա նշել է, որ այդ թեմայով խոսել է խաղընկերների հետ:
«Խոսել եմ Հայաստանի ազգային հավաքականում իմ խաղընկերներից շատերի հետ, եւ բոլորն էլ գոհունակություն են հայտնել, որ Խոակին Կապառոսն է նշանակվել գլխավոր մարզիչ: Գիտենք, որ փորձառու եւ եվրոպական ասպարեզում երկար ճանապարհ անցած մարզիչ է: Ժամանակը ցույց կտա, թե նա ինչի կկարողանա հասնել մեր հավաքականի ղեկին բայց մենք մեր կողմից ամեն ինչ կանենք, որպեսզի լավ արդյունքներ գրանցենք: Երեւի, այս ընդմիջումն ինչ-որ տեղ էլ օգտակար էր մարզչի համար, քանի որ, երբ նա գլխավորեց մեր հավաքականը, շատ քիչ ժամանակ ուներ մինչեւ մոտակա խաղը: Հիմա նա բավականաչափ ժամանակ կունենա՝ մեր նախորդ խաղերը դիտելու, հավաքականի ֆուտբոլիստների կարողություններին ավելի լավ ծանոթանալու համար»,- ասել է նա:
Ֆուտբոլիստը խոսել է նաեւ այն մասին, թե ինչ է անում կորոնավիրուսի պատճառով ֆուտբոային հանդիպումների եւ մարզումների դադարեցումից հետո: Պատմել է...
