Սեւուսպիտակի գույները՝ այսպես է բնորոշել Էվա Խաչատրյանը վերջերս արված իր փոքրիկ ֆոտոշարքը: Կամերային թատրոնի դերասանուհին սիրում է լուսանկարվել, հատկապես, երբ թեմատիկ ու հետաքրքիր առաջարկներ է ստանում: Իր համար լուսանկարը վայրկյանի ու զգացողության ֆիքսումն է, պատմություն` ապրումի, դրության եւ երբեմն այլ իրականության ֆիքսված վայրկյաններ: «Սիրում եմ ֆոտոխցիկը: Կարծում եմ՝ հավասարաչափ է մեր սերը միմյանց հանդեպ: Սեւուսպիտակ լուսանկարները ոչ այնքան շատ, բայց կան իմ ֆոտոդարանում: Այդ գույների մեջ մի տեսակ հետաքրքիր բան կա, որ բոլոր ժամանակներում տպավորել է ինձ եւ շատերին: Ապրումները, սերն ու զգացմունքները երեւում են այն ժամանակ, երբ գույները պակասում են: Սեւն ու սպիտակը բացահայտ ցույց են տալիս դրանք: Գլխարկ շատ եմ սիրում: Այն ինձ համար շատ կարեւոր նշանակություն ունի բացի նրանից, որ տաք է պահում գլուխս: Ապահովության զգացողություն է տալիս: Մի բան է, ինչի մեջ կարելի է թաքնվել, պատսպարվել, իհարկե, երեւույթ...
