Ղազախստանից հայտնի ճանապարհորդ եւ բլոգեր Մաքսիմ Գրինկեւիչը Հայաստան այցելելուց հետո հոդված է հրապարակել՝ նշելով, որ ղազախստանցիները շատ քիչ բան գիտեն Հայաստանի մասին, փոխարենը շատ պահանջված է Վրաստանը, իսկ հարեւան Հայաստանը տեւական ժամանակ ստվերում է մնացել գրագետ գովազդի բացակայության պատճառով, գրում է Informburo.kz-ն:
«Հեռավոր երկրներից Հայաստան ժամանող զբոսաշրջիկները ղազախներից լավ գիտեն, թե ինչ կարելի տեսնել այդ երկրում: Այս աշնանն ինձ բախտ վիճակվեց լինել Հայաստանում՝ այնտեղ տեսնելու շատ բան կա, մարդիկ կան, ում հետ հետաքրքիր է խոսել, բացի այդ կան բազում պատճառներ հաջորդ արձակուրդն այդ երկրում անցկացնելու համար: Այդ փոքր երկիրը հարուստ է պատմությամբ եւ մշակույթով, տեսարժան վայրերով ու խոհանոցով: Իսկ տեղաբնակները միշտ պատրաստ են ներկայացնել երկիրը:
Ընդհանրապես հայերը շատ բարեհամբույր եւ բարի մարդիկ են՝ միշտ պատրաստ օգնելու: Հումորի հրաշալի զգացում ունեն եւ հաղորդակցվելու ոչ մի խնդիր չի լինում: Քաղաքային բնակավայրերի բնակիչները հիմնականում տիրապետում են ռուսերենին:
Երեւանը եվրոպական քաղաք է հիշեցնում, երեկոյան զբոսանքներով, հարմարավետ ռեստորաններով եւ տարբեր կողմերից հնչող երաժշտությամբ: Չկա ոչ մի քրեական լարվածություն, ոչ մի անսթափ մարդ փողոցներում: Իսկ շուրջբոլորն ուղղակի տարածված է արվեստը՝ կան նույնիսկ հատուկ պուրակներ, որտեղ հավաքվում են երաժիշտներն ու նկարիչները:
Հայերի հետ խոսակցություններում ավելի լավ է խուսափել Ադրբեջանի եւ Թուրքիայի հետ հարաբերությունների մասին հարցերից, առավելեւս այլ տեղերից ձեզ հայտնի ձեւակերպումներով: Հայաստանը երկար պատմություն ունեցող երկիր է եւ այնտեղ համոզած են, որ...
