Մարտի 1-ի գործով գլխավոր մեղադրյալ Ռոբերտ Քոչարյանը, իրեն կրկին կալնավաորելու դատարանի որոշումից հետո ներկայացավ «Երևան-Կենտրոն» քրեակտարողական (ՔԿՀ) հիմնարկ:
Լրագրողների հարցին կարճ պատասխանեց. «Կարծում եմ դուք տեսել եք՝ ո՛չ օրենք կա, ո՛չ օրինականություն»։
Սահմանադարական կարգի տապալման ու առանձնապես խոշոր չափերով կաշառք ստանալու մեջ մեղադրվող Ռոբերտ Քոչարյանի հետ ՔԿՀ էր եկել նաև նրա որդին՝ Լևոն Քոչարյանը: Ասաց՝ դատարանը փաստորեն թույլ չտեց, որ պաշտպանական կողմն իր դիրքորոշումը հայտնի։
«Ազատության» հարցին, թե ի՞նչ հույսով իր հայրը մտավ քրեակատարողական հիմնարկ, պատասխանեց. «Այն հույսով, որ այս աբսուրդը ինչ-որ մի պահի կվերջանա։ Իհարկե, հույսը դա է, մենք ամեն ինչ անելու ենք, որ դա տենց լինի ու դա տենց ա լինելու։ Ուշ, թե շուտ էս ամեն ինչը պետք է վերջանա»։
Հացին՝ բացի բողոքարկումից, ի՞նչ մարտավարություն են մշակել, արձագանքեց. «Իրավական կա ու կա նաև քաղաքական»։
«Ազատության» դիտարկմանը, որ դատավորը դիմել է ոստիկանություն՝ իր անվտանգությունն ապահովելու համար, իրենց կողմից կա՞ վտանգ, որից դատավորը պաշտպանվում է, Լևոն Քոչարյանը պատասխանեց. «Ես չեմ կարծում, որ վտանգ կա, ես նույնիսկ ավելի քան համոզված եմ, որ չի կարող։ Այիսնքն ի՞նչ եք պատկերացնում՝ ինչ-որ մեկը ուզենա դատավորին վնասի՞։ Վտանգը կար էն ժամանակ, երբ որ առաջին ...
