Առաջիկա ամիսներին «Ժառանգություն»-ը նախաձեռնելու է պայքար՝ կանխելու Սերժ Սարգսյանի իշխանության վերարտադրությունը: Պատասխանելով «Ազատության» հարցին, կուսակցության առաջնորդ Րաֆֆի Հովհաննիսյանն այսօր ասաց, թե այժմ ժողովրդի տրամադրություններն են շոշափում, ակտիվացնում մարզային կառույցները:
«Եթե ժողովուրդն այդ պահանջարկը ներկայացնի, եթե ժողովուրդն ուզում է փոփոխություն, պատրաստ է նաև ակտիվ, նախաձեռնող քայլերի, ինչու չէ, մենք պետք է հրապարակային, հանրային քայլերով ամեն ինչ անենք, որ տեղի չունենա այդ մենիշխանության շարունակությունը: Մենք կարծում ենք, որ դա կործանարար կլինի մեր ապագայի համար: Կարող եք գարնան ընդառաջ՝ «Ժառանգությունից» և ոչ միայն «Ժառանգությունից» սպասել ակտիվ նախաձեռնություններ»,- ասաց Րաֆֆի Հովհաննիսյանը:
Ամառվանից տարբեր ուժերի հետ հանդիպումներ անցկացրած «Ժառանգություն»-ը դեռ կփորձի ընդդիմադիր լայն ճակատ ձևավորել․ «Մենք պիտի շարունակենք առանց նախապայմանների կապն իրենց հետ, որպեսզի տեսնենք՝ մենք հնարավորություն ունե՞նք աշնանը կամ տարեգլխին (տարեսկզբին) Հայաստանի հանրությանն առաջարկել մի նոր ձևաչափ, նոր բովանդակություն, որը գոնե կնպաստի, որ մենիշխանությունը, կուսակցական իշխանությունը այսպես չշարունակվի»:
Հովհաննիսյանի համոզմամբ՝ հակառակ դեպքում արդեն ամիսներ անց՝ 2018-ի ապրիլին, Հայաստանը վերածվելու է մեկ անձի պետության: «Ով էլ լինի, մի հոգի, մի կուսակցություն, իրավունք չունի դառնալու Հայաստանի սեփականատերը: Երկրի, բոլորիս համար մեծագույն սխալ կլինի, եթե ինքը փորձի այս կամ այն եղանակով ուղղակի կամ զարտուղի, այս կամ այն չակերտյալ օրենքի հղմամբ՝ շարունակել իր մենիշխանությունը մեր երկրում: Իր իսկ սերունդներին վնասի կենթարկի, և դա արդեն առաջին հերթին իր մտածելու բանն է:
Սա առաջին, երկրորդը՝ ես իրեն ճանաչում եմ որպես ՀՀԿ նախագահ, և իր կուսակցությունը նույնպես պիտի մտածի, թե իրենց հետագիծը ինչպես պիտի ներկայացվի հաջորդ սերունդներին»,- ասաց «Ժառանգության» առաջնորդը:
«Ժառանգությունն» այսօր նշում էր հիմնադրման 15-ամյակը: Րաֆֆի Հովհաննիսյանը միջոցառման հյուրերին պատմեց, որ Հայաստանում ընդդիմադիր լինելը հեշտ չէ: «Հետխորհրդային ...
