Նոր Զելանդիայի կառավարությունն ընտրել է դեռահասների համար համացանցի անվտանգության մասին հեռուստատեսային գովազդի արտասավոր տարբերակ: «The Guardian»-ը գրում է՝ էկրանին ժպտերես, բայց մերկ դերասանների հանկարծակի հայտնվելը սենսացիա է դարձել:Այդ գովազդը յուրաքանչյուր ծնողի եւ դեռահասի ամենավատ մղձավանջ կարող է հիշեցնել: Մեծահասակների համար նախատեված ֆիլմի երկու դերասաններ՝ բոլորովին մերկ, թակում են մի կնոջ տան դուռը եւ ասում նրան՝ «Ողջույն, Ձեր որդին առցանց մեզ է նայում»:
«Keep It Real Online» արշավի շրջանակում ստեղծված նոր տեսահոլովակում դերասանները, ովքեր ձեւացնում են, թե պոռնո աստղեր են, կնոջը պատմում են, որ նրա որդին հետեւում է իրենց տեսահոլովակներին համակարգչով, հեռախոսով ու այլ գաջեթներով:
Դերասանուհին բացատրում է.«Մենք նկարահանվում ենք մեծահասակների համար, իսկ Ձեր որդին երեխա է: Նա չգիտի, թե իրականում ինչպես են կառուցվում հարաբերությունները», իսկ դերասանը՝ հավելում.«Այո, իրականում ես այդպես չեմ վարվում, ինչպես ֆիլմերում»:
Գովազդում հենց այդ պահին ներս է մտնում երեխան՝ գաջեթը ձեռքին, եւ կինը հասկանում է՝ ժամանակն է զրուցել այս մասին: Գովազդը նկարահանվել է նորարարական մոտեցմամբ, քանի որ այս խնդիրը բավական արմատական է հատկապես Նոր Զելադիայում:
2019 թվականի դեկտեմբեր ամսվա զեկույցի համաձայն՝ երիտասարդ նորզելանդացիներն օգտագործում են համացանցը՝ որպես իրենց առաջին եւ հիմնական գործիք՝ սեքսի մասին տեղեկություն ստանալու համար, մինչդեռ երկրում դիտվող ամենա...